| 1. |
ISebe iWCED linqwenela ukuqalisa indlela elula yokwenza IziCwangciso zokuPhucula iSikolo (SIPs) kunye neeNgxelo zoNyaka zeSikolo ngo-2012. |
| 2. |
Kufuneka ii-SIPs ziphumeze oko kukumbono neenjongo zeSebe iWCED, okukoku, "Ukudala ithuba kumntu wonke ngokuthi kuphuculwe iziphumo zemfundo " kwakunye noku kulandelayo: |
| 2.1 |
ukuphucula ulwazi lokufunda nokubhala nolwazi lokubala kwizikolo eziziiprayimari |
| 2.2 |
ukuphucula amanani abafundi abapasa iSatifikethi seMatriki sikaZwelonke nomgangatho wokupasa |
| 2.3 |
nokunciphisa amanani ezikolo eziqhuba kakubi |
| 3. |
Iinjongo zeSebe iWCED ziyasixhasa isiCwangciso sokuza Kwenziwa sika-2014 (Action Plan 2014) seSebe leMfundo esiSiseko kuzwelonke, nesilandelela iqela lezalathisi ukujonga inkqubela kwinkqubo yezemfundo. Uluhlu lwazo luqhotyoshelwe njengesiHlomelo A.
|
| 4. |
Ngenxa yoku kulapha ngentla, isicwangciso i-SIP neNgxelo yoNyaka yeSikolo, ziya kwenziwa zibe lula ukwenzela ukuba kugxininiswe kwezi zalathisi ziqhelekileyo (common indicators). Kungongezwa ke ezinye izalathisi. |
| 5. |
Ukususela ngoJanuwari 2012 isicwangciso i-SIP neNgxelo yoNyaka yeSikolo, zombini, ziya kufakwa kwiCEMIS. Oku kuya kunika izikolo ithuba lokuqwalaselisisa iimeko eziqhubeka kuzo (study their own trends) ukwenzela ukuba zenze izigqibo ngeethagethi zinolwazi. Isicwangciso i-SIP siya kuba sesifakwe salungiswa kwangaphambili ngeeseti zedatha yamanani ukuncedisa ekwenzeni uqikelelo lwamanani. Ithemplethi emayizaliswe iya kuba namacandelo eminyaka 2012 - 2014, ukukhuthaza ukumiselwa kweethagethi zethuba elide. |
| 6. |
Umhla elindeleke ngawo iNgxelo yoNyaka yeSikolo ka-2011 kunye nesicwangciso i-SIP sika-2012, zombini, ngowe-30 Januwari 2012. Idatha yokwandlalela (baseline data) yesicwangciso iya kuba yidatha ka-2011 - kungoko ke izikolo zingasayi kucelwa ukuba zizalise iNgxelo yoNyaka yeSikolo ka-2011. Idatha iya kuthathwa kwisicwangciso sokuphucula isikolo. |
| 7. |
Ikhithi yezixhobo ekwikhompyutha (online toolkit) iya kuvulelwa izikolo ukuba zibe nokuyijonga ukuqala nge-30 Novemba 2011 ize ivulelwe ukufaka idatha ukususela nge-9 Januwari 2012. Abaphathi beze-IMG baya kusisayina isiCwangciso sokuPhucula iSikolo ungadlulanga owe-15 Februwari 2012. Abaphathi beze-IMG baya kuqhagamshelana nezikolo ukuba kukho naluphi na utshintsho apha naphaya oluyimfuneko. Kufuneka izikolo ziqinisekise ukuba iintlanganiso eziyimfuneko zokusayina kunye neSGB ziyacwangciswa kwasekuqaleni kunyaka omtsha. |
| 8. |
Izalathisi zephondo, ngendlela eshwankathelayo, zimi ngale ndlela ilandelayo: |
| 8.1 |
IsiCwangciso sokuPhucula ukuPasa kwaBafundi kwiZifundo (Academic Performance Improvement Plan): iithagethi zamanani abafundi abafunda nabapase iilwimi nemathematika (AmaBakala 1 - 9) kunye nakuzo zonke izifundo (AmaBakala 10 - 12) |
| 8.2 |
Inani elingumndilili leentsuku angekhoyo ngazo ngamnye umfundi esikolweni |
| 8.3 |
Inani elingumndilili leentsuku angekhoyo ngazo ngamnye utitshala |
| 8.4 |
Inani lootitshala abafundisa izifundo nabanamabanga emfundo afanelekileyo |
| 8.5 |
Inani labafundi abangapasanga o.k.t abaphinda unyaka |
| 8.6 |
Inani labafundi abaqhubekayo befunda esikolweni |
| 8.7 |
Inani elingumndilili leeyure ezichithwe ngootitshala kuqeqesho |
| 8.8 |
Umlinganiselo wenani labafundi elifundiswa ngutitshala |
| 8.9 |
Inani leencwadi ezi-odolweyo, ezifikileyo, ezikhutshiweyo nezibuyiswe ngabafundi |
| 8.10 |
Ukufika nokusetyenziswa kweencwadi zomsebenzi |
| 8.11 |
Iprogram yolondolozo lwezakhiwo neempahla |
| 8.12 |
Ukubonelelwa nokusetyenziswa kweedesika/iitafile nezitulo |
| 8.13 |
Ukuza kwabazali kwiintlanganiso |
| 9. |
Ziya kucelwa nazo izikolo ukuba zireyithe iinkonzo zenkxaso ezenziwa zii-ofisi zezithili zemfundo zazo. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2011:11:16
|
 |