Kufunyaniswe ukuba xa bekubhaliswa abasebenzisi abatsha (registration of new users) kwisistim i-Basic Accounting System (BAS), ayilandelwanga inkqubo yokusingatha izicelo emiselwe kuxwebhu loMgaqo-nkqubo weBAS (BAS Policy). Ngako oko ke, ukwenzela ukuba kubekho ulawulo olubhetele lwenkqubo yobhaliso lwabasebenzisi abatsha nokuqinisekisa ukuba ubhaliso lwabasebenzisi beBAS lwenziwa ngokuchanekileyo, kuza kusetyenziswa le nkqubo ilandelayo ukususela ngoku:
| 1. |
Zonke iifom zezicelo zobhaliso kwiBAS (BAS registration application forms), ezizaliswe ngokupheleleyo nesele zisayinwe nayi-DDG, mazingensiwe ngqo kwi-ofisi yoMlawuli weBAS: BAS Controller's office, Room 7-10B, 7th floor, Grand Central Building, Cape Town. |
| 2. |
Iya kuba ngumsebenzi ophezu kwamagxa e-ofisi yeBAS Controller ukungenisa izicelo ezifikileyo kwiGosa lezeMali eliyiNtloko (Chief Financial Officer) ngenjongo yokuba zivunywe. Kungenjalo akukho zicelo ezingeniswa ngenye indlela ziya kwamkelwa. |
| 3. |
Iifom zezicelo ezingazaliswanga ngokupheleleyo aziyi kwamkelwa kwaye ziya kubuyiselwa kwabo bangabenzi-sicelo (bearer of the applications) ukuze zilungiswe zize ziphinde zingeniswe kwakhona. |
| 4. |
Ubungqina bokuba iifom zesicelo zingenisiwe kwi-ofisi yoMlawuli we-BAS buya kukhutshwa nguMlawuli weBAS (BAS Controller) (uMnu HC Lendore) okanye, xa angekhoyo, nguMncedisi wakhe i-BAS Controller Assistant (uMnu G Bennett). UMlawuli weBAS akayi kwamkela naziphi na izigxeko ngenxa yeefom zezicelo ezishiywe nje kwi-ofisi yoMlawuli we-BAS ngaphandle kokukhutshwa kobungqina bokuba zifikile zaza zamkelwa okanye ezo zisayinwe ligosa elingenguye uMlawuli weBAS okanye uMncedisi wakhe. |
| 5. |
Apho i-ofisi okanye icandelo eselinabasebenzisi be-BAS lifuna ukongezelela abasebenzisi, makubhalwe incwadi ecacisa izizathu zoko nemayihanjiswe kunye nazo zonke izicelo ezilolu hlobo ukuya kwiGosa lezeMali eliyiNtloko. |
| 6. |
Iya kuthakazelelwa intsebenziswano yenu malunga noku. |
ISAYINWE: NGU-LJ ELY
UMLAWULI OYINTLOKO: WOLAWULO LWEMICIMBI YEZEMALI
UMHLA: 2011:02:08
|
 |