1. Hierdie minuuut is daarop ingestel om GGBS-beleid oor die kies van eweknieë as leerondersteuningsopvoeders te verduidelik.

2. Om die volgende redes is dit uiters belangrik dat LO-Adviseurs deelneem as toesighouers aan die GGBS-proses van toepassing op LO-Opvoeders.
2.1 Die LO-Adviseur is die deskundige in leerondersteuning vir hoofstroomskole en het die gepaste kennis van die funksies van LO-Opvoeders.
2.2 Die LO-Adviseur is die beampte wat direk verantwoordelik is om te verseker dat die LO-Opvoeder 'n professionele diens aan die skool voorsien.
2.3 Die LO-Adviseur, in samewerking met die eweknie in die LO-Opvoeder se ontwikkelingsondersteuningsgroep (OOG), is verantwoordelik vir die professionele ontwikkeling van die LO-Opvoeder en behoort 'n goeie insig te hê in die behoeftes en professionele opleiding van die LO-Opvoeder.
2.4 Die LO-Adviseur behoort die terugvoer van die skool tydens die GGBS-proses te gebruik om as riglyn te dien by die ondersteuning en ontwikkeling wat deur die distrikskantoor aan die LO-Opvoeder verskaf word.

3. Die LO-Adviseur dien as die toesighouer op die OOG en die LO-Opvoeder kies 'n eweknie met wie hy of sy nou saamwerk by sy of haar skool. Dit voldoen aan die bepalings van die Kollektiewe Ooreenkoms 8/2003, aangesien die LO-Adviseur die amptelike lynbestuurder van die LO-Opvoeder is en die taak het om toesig te hou oor LO-Opvoeders en om hulle te ontwikkel. In baie opsigte is dit dieselfde as die manier waarop die prinsipaal se OOG gestruktureer is, met die IBB-Bestuurder as die toesighouer (selfs al is laasgenoemde nie in daaglikse kontak met die prinsipaal nie) en waar die prinsipaal die eweknie kies.

4. Alle LO-Opvoeders moet verseker dat hulle hulle summatiewe evaluering met die res van die personeel by hulle basisskool voltooi tydens die maande Augustus tot Oktober, en dat hulle name verskyn op die finale QA7-opsommingsblad van die basisskool. Die kolom onder die hofie "LO-Opvoeder" op die QA7-vorm moet afgemerk word langs die naam van die LO-Opvoeder. QA-vorms 1, 3, 4, 5 en 6 moet deur elke LO-Opvoeder voltooi word. Die voltooide QA-vorms moet geliasseer word in die opvoeder se GGBS-lêer.

5. Aangesien LO-Opvoeders onder toesig is van LO-Adviseurs by disstrikskantore, moet alle LO-Opvoeders hulle hou aan hierdie direktief.

6. U samewerking in hierdie verband sal hoog op prys gestel word.


GETEKEN: PA VINJEVOLD
HOOF: ONDERWYS
DATUM: 2011:12:02