1. Die Wes-Kaap Onderwysdepartement (WKOD) kondig hiermee aan die publikasie van Vakaturelyste 4 en 5 van 2011, van 10 Augustus 2011.

2. Vakaturelys 4 is alleenlik vir persone wat om prinsipaalsposte wil aansoek doen.
2.1 Persone wat aansoek doen om die prinsipaalsposte moet die volgende skakels op die WKOD-webtuiste gebruik:
http://www.ayandambanga.co.za/eng.php - skakel vir aansoeke in Engels
http://www.ayandambanga.co.za/afr.php - skakel vir aansoeke in Afrikaans
2.2 Aansoekers moet daarop let dat slegs aanlyn-aansoeke vir poste in Vakaturelys 4 aanvaar sal word.

3. Vakaturelys 5 bestaan uit promosieposte en Posvlak 1-poste, prinsipaalsposte uitgesluit. Die normale aansoekprosedure is van toepassing op hierdie poste.

4. Hierdie vakaturelyste is beskikbaar by die Instapsentrum van die WKOD Hoofkantoor en kan ook besigtig word by die WKOD se webtuiste by http://wced.wcape.gov.za
Let daarop dat vakaturelyste nie as gedrukte kopieë versprei sal word aan onderwysinrigtings nie.

5. Die sluitingstyd en -datum vir ontvangs van aansoeke vir beide Vakaturelys 4 en 5 is 16:00 op Woensdag, 7 September 2011.

6. Vakaturelys 6 sal volg op Vakaturelys 5 met die volgende skedule:

Aktiwiteit Datum
WKOD open die elektroniese vakaturelys vir die inrigtings en onderwysdistrikte teen 2 September 2011
Prinsipale, SBL'e en kringspanbestuurders moet vakatures op webtuiste insleutel teen 29 September 2011
Sluitingsdatum vir kringspanbestuurders om advertensies te kontroleer en te verifieer. 30 September 2011.
DATUM VAN VAKATURELYS 17 Oktober 2011
Sluitingsdatum vir ontvangs van van aansoeke 31 Oktober 2011
WKOD stuur aansoeke na skole 7 November 2011
SBL'e/skole lê nominasies voor aan WKOD 23 November 2011
WKOD lig aansoekers in aangaande aanstellings 30 November 2011
Aanstellingsdatum: 1 Januarie 2012

7. Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word.


GETEKEN: PA VINJEVOLD
HOOF: ONDERWYS
DATUM: 2011:08:10