INLEIDING
Alle staatsdiens- (SD-) personeel en hulle lynbestuurders (adjunk-direkteurs-generaal, hoofdirekteure, direkteure, HUB's van VOO-kolleges, en prinsipale van skole) word daaraan herinner dat alle werknemers wat aangestel is onder die Staatsdienswet van 1994 jaarliks ingevolge die Personeelprestasiebestuur-en-ontwikkelingstelsel (PPBOS) volgens die voorskrifte van die Staatsdiensregulasies van 2001 geassesseer word.
Hierdie minuut verduidelik die vereistes vir die PPBOS 2009-2010-evalueringsiklus en verwittig alle SD-personeel van die dokumente wat ingedien moet word. Alle lynbestuurders word versoek om by die bepaalde keerdatums te bly.
Vir die 2010-2011-siklus sal die PPBOS-dokumente van personeellede op Salarisvlak 9 tot 12 gehanteer word ooreenkomstig die werking en vereistes van PERMIS.
| 1. |
Die evalueringsiklus vir alle SD-personeel begin op 1 April van elke jaar en eindig op 31 Maart van die volgende jaar. |
| 2. |
Lynbestuurders moet seker maak dat alle SD-personeel hulle finale prestasie-oorsigsessies vir die 2009-2010-siklus met hulle onmiddellike toesighouers of lynbestuurders afsluit. |
| 3. |
Alle SD-personeel en hulle onmiddellike toesighouers of lynbestuurders moes reeds besluit het oor 'n datum vir hulle finale prestasie-assessering. Dit sal ook alle lynbestuurders in staat stel om die geloofwaardigheid van alle assesseringsdokumente van hulle werknemers te verifieer voordat die dokumente voorgelê word teen 29 Maart 2011 vir instansies ( as gevolg van skoolvakansie) en 8 April 2011 vir kantoorgebonde en hoofkantoorpersoneel. |
| 4. |
Die evalueringsdokumente van alle inrigtingsgebaseerde Staatsdienspersoneel moet voorgelê word aan die betrokke kringspanbestuurder, wat die dokumente sal verifieer voor dit by die distrikskantoor ingelewer word |
| 5. |
Die distrikskantoor moet seker maak dat die evalueringsdokumente ingesleutel word en gelys word ooreenkomstig die vereistes soos aangedui in Afdeling B hieronder |
| 6. |
Lynbestuurders word daaraan herinner dat alle vereiste dokumente wat op die lys in hierdie minuut verskyn, ingedien moet word en dat slegs die oorspronklike weergawes van die dokumente aanvaar sal word. Geen uitstaande dokumente sal na 29 Maart 2011 en 8 April 2011 onderskeidelik aanvaar word nie en daar sal stappe gedoen word teen lynbestuurders wat skuldig is aan versuim in hierdie opsig. |
| B. |
PPBOS-BYLAES WAT VIR SALARISVLAK 1 - 8 INGEDIEN MOET WORD
|
| 1. |
Al die bylaes op die volgende lys moet ingedien word: (Elektroniese weergawes van hierdie dokumente is aangeheg.)
| Bylae A: |
Individuele Prestasieplan (IPP) |
| Bylae B: |
Individuele Ontwikkelingsplan (IOP) |
| Bylae C: |
Prestasie-oorsiginstrument (Twee opgetekende prestasie-oorsigsessies word vereis - Bylae C1 en C2) |
| Bylae D: |
Prestasie-assesseringsinstument |
| Bylae E: |
Motivering vir "Aanbevelenswaardige" of "Uitmuntende" assessering |
| Bylae F: |
Nominasie vir 'n kontantbonus |
|
| 2. |
Lynbestuurders en toesighouers moet seker maak dat alle afdelings van al die bylaes voltooi en deur al die betrokke beamptes onderteken word. |
| 3. |
Twee opgetekende oorsigsessies word vereis. Die Bylae C-vorm moet aandui dat die prestasie-oorsigsessies halfjaarliks opgeteken is (een in die eerste helfte en
een in die tweede helfte van die evalueringsjaar). Twee Bylae C-vorms (Bylae C1 en C2) moet dus vir elke werknemer ingedien word. |
| 4. |
Alle bylaes wat by hierdie minuut aangeheg is, word beskou as amptelike dokumente en is die enigste dokumente wat aanvaar sal word. |
| 5. |
In gevalle waar werknemers 'n algemene aanslag van laer as "Bevredigend" ontvang het, moet Bylae G voltooi word. Bylae G sal dan deel uitmaak van die vereiste lys dokumente vir indiening. (Bylae G is aangeheg). |
| 6. |
Versuim om die vereiste Bylae F voor te lê sal veroorsaak dat die Sentrale Modereringskomitee (SMK) van die WKOD toekennings sal maak op eie diskresie vir die direktoraat of inrigting betrokke. Die samestelling van die SMK, sowel as sy rolle en funksies, sal te gelegener tyd verduidelik word.
|
| C. |
PBIS-DOKUMENTE WAT VIR SALARISVLAK 9 TOT 12 INGEDIEN MOET WORD
|
| 1. |
Al die dokumente op die volgende lys moet ingedien word:
|
| 2. |
Lynbestuurders en toesighouers moet seker maak dat al die afdelings op PBIS voltooi en deur die werknemer en toesighouer onderteken is. |
| 3. |
Slegs PBIS-dokumentasie sal aanvaar word vir Salarisvlakke 9 tot 12. |
| D. |
NOMINASIE VAN SD-PERSONEEL VIR MONETÊRE TOEKENNINGS |
| 1. |
Die aantal SD-werknemers wat genomineer mag word vir kontantbonusse word bepaal deur die normale verspreidingskurwe. |
| 2. |
Toesighouers of lynbestuurders moet 20% (soos per die normale verspreidingskurwe) van hulle SD-personeeldiensstaat wat binne salarisvlak 1 tot 12 val, vir 'n kontantbonus nomineer. |
| 3. |
Op skoolvlak moet die hele SD-personeelkomplement gebruik word vir die berekening van die 20% van werknemers wat vir 'n kontantbonus genomineer sal word. Slegs personeellede wat 'n algehele aanslag van óf "Aanbevelenswaardig" óf "Uitmuntend" ontvang het, afgesien van beroepskategorie, mag vir 'n kontantbonus genomineer word. |
| 4. |
By VOO-kolleges word slegs die dokumente van adjunk-HUB's ingedien. |
| 5. |
Die volgende is van toepassing slegs op kantoorgebaseerde SD-personeel: |
| 5.1 |
Slegs 20% van die kantoorgebaseerde werknemers mag genomineer word vir 'n kontantbonus en slegs werknemers wat 'n algehele aanslag van "Aanbevelenswaardig" of "Uitmuntend" ontvang het, mag oorweeg word. |
| 5.2 |
Die getal SD-personeel in 'n direktoraat wat binne salarisvlak 1 tot 12 val, moet gebruik word om die 20% van SD-werknemers wat vir 'n kontantbonus genomineer word, te bepaal. Die 20%-riglyn sal ook dien as 'n kontrolemaatreël vir lynbestuurders.) |
| 6. |
Wanneer die getal personeellede wat vir 'n kontantbonus genomineer mag word, bereken word, moet die prestasiepunt tot die naaste heelgetal afgerond word. Voorbeelde: Indien u prestasiepunt op 'n antwoord van 1.4 uitloop, mag u slegs een SD-personeellid nomineer. Indien u prestasiepunt 2.5 is, mag u 3 SD-personeellede nomineer. |
| 7. |
In gevalle waar daar slegs een personeellid op die diensstaat is, mag daardie lid vir 'n kontantbonus genomineer word as hy of sy 'n algehele aanslag van óf " Uitmuntend" óf "Aanbevelenswaardig" ontvang het. |
| 8. |
Bylae F sal die lys bevat van SD-personeel wat deur die Sentrale Modereringskomitee (SMK) vir 'n kontantbonus oorweeg sal word. Hierdie dokument moet deur die lynbestuurder onderteken word. Die oorspronklike bylae moet by die assesseringsdokumente van die genomineeerde personeellede aangeheg word. |
| 9. |
Die aanslae vir personeellede op salarisvlak 11 en 12 sal ooreenkomstig die PBIS geskied. |
Bring asseblief die inhoud van hierdie minuut onder die aandag van alle staatsdienspersoneel onder u beheer.
GETEKEN: PA VINJEVOLD
HOOF: ONDERWYS
DATUM: 2011:02:25
|
 |