1. Hoofstuk 7, artikel 33 van die Wet op die Indiensneming van Opvoeders, 1998 (Wet 76 van 1998), die Staatsdienswet 1994, soos gewysig, en artikel 30(B) van die Staatsdiensregulasies van 2011 herinner alle werknemers aan die verpligting om aansoek te doen om toestemming te verkry van die Departementshoof indien hulle besoldigde werk teen betaling buite die staatsdiens wil verrig.

2. Besoldigde werk buite die staatsdiens kan as volg gedefinieer word:

"Enige ander werk wat nie vir die permanente werkgewer is nie, ongeag of daar vergoeding is of nie"


3. Die volgende is voorbeelde van sodanige besoldigde werk buite die staatsdiens:

  • Selfwerksaamheid, in eie besigheid, bv. snoepwinkel, taxidiens, busdiens, houtwerk, bouwerk, meganiese herstelwerk
  • Werk vir 'n ander organisasie, bv. sielkundige, verpleging, sosiale werk, verkoopspersoon
  • Konsultasiediens, bv. MH-vennoot, bemarking, verkoop van produkte
  • Raadslid, bv. ouditeur, stigting, direkteurskap
  • Entrepreneurskap, bv. skrywer, uitgewer.
4. Die stappe nodig wanneer aansoek gedoen word vir toestemming om die verskillende soorte besoldigde werk buite die staatsdiens te verrig is in die volgende aangehegte bylaes uiteengesit

  • Bylae A: Algemene beginsels aangaande aansoeke om besoldigde werk buite die staatsdiens te verrig
  • Bylae B: Algemene beginsels aangaande aansoeke om 'n privaat praktyk te bedryf (bv. as sielkundige, fisioterapeut, arbeidsterapeut)
  • Bylae C: Algemene beginsels aangaande aansoeke om 'n privaat besigheid te bedryf en/of 'n beslote korporasie te registreer
5. Inrigtingsgebaseerde opvoeders wat werk buite die staatsdiens wil verrig, ongeag of hulle daarvoor vergoed word of nie, moet 'n aansoek indien om toestemming daarvoor te versoek. Alle aansoeke moet deur die volgende persone aanbeveel word:

  • Die skoolhoof
  • Die skoolbeheerliggaam
  • Die kringspanbestuurder
6. Inrigtingsgebaseerde staatsdienspersoneel wat werk buite die staatsdiens wil verrig, ongeag of hulle daarvoor vergoed word of nie, moet 'n aansoek indien om toestemming daarvoor te versoek. Alle aansoeke moet deur die volgende persone aanbeveel word:

  • Die skoolhoof
  • Die skoolbeheerliggaam
  • Die kringspanbestuurder
  • Die distriksdirekteur
7. Inrigtingsgebaseerde opvoeders en Hoofkantoor- of Diestrikskantoor-staatsdienspersoneel wat werk buite die staatsdiens wil verrig, ongeag of hulle daarvoor vergoed word of nie, moet 'n aansoek indien om toestemming daarvoor te versoek. Alle aansoeke moet deur die volgende persone aanbeveel word:

  • Die toesighouer
  • Die direkteur
8. Werknemers wat tans besoldigde werk buite die staatsdiens verrig of van plan is om daarmee voort te gaan moet seker maak dat hulle aansoeke om toestemming daarvoor teen 20 Januarie 2012 voorgelê word aan die volgende adres:

Die Onderwyshoof
(Vir aandag Direkteur: Mensehulpbronbestuur)
Wes-Kaap Onderwysdepartement
Privaatsak X9114
Kaapstad
8000

Aansoekers sal in kennis gestel word van die uitslag van hulle aansoek teen 17 Februarie 2012.


9. Versuim om verlof te verkry om besoldigde werk buite die staatsdiens te verrig, sal uitloop op strafregtelike gevolge vir die betrokke werknemer.

10. Bring asseblief die inhoud van hierdie minuut onder die aandag van alle personeel onder u toesig.


GETEKEN: PA VINJEVOLD
HOOF: ONDERWYS
DATUM: 2011:12:12

"Employment of Educators Act, 1998 (Act 76 of 1998)"  (grootte: 71 KB)
"Public Service Act,1994"  (grootte: 183 KB)

"Application to perform remunerated work outside the public service (RWOPS)"  (grootte: 33 KB)

Bylae A: "General principles regarding applications to perform remunerated work outside the public service"  (grootte: 12 KB)
Bylae B: "General principles regarding applications to run a private practice"  (grootte: 15 KB)
Bylae C: "General principles regarding applications to run a private business and/or to register a closed corporation"
(grootte: 12 KB)