| 1. |
Die Wes-Kaap Onderwysdepartement (WKOD) sal in 2012 vyf vakaturelyste uitreik. Die datums van publikasie van die vakaturelyste, asook ander belangrike datums, verskyn in die aangehegte bylae |
| 2. |
Die WKOD sal nie afsonderlike vakaturelyste vir poste op verskillende vlakke hê nie. Alle vakante poste moet dus geadverteer word in die vakaturelyste op die vroegs moontlike geleentheid. Prinsipaalsposte sal egter, geadverteer word op aanvraag en vorm dus nie deel van die Vakaturelysrooster vir 2012 nie. In die toekoms sal 'n permanente konsepvakaturelys deurlopend oop wees op die WKOD-webtuiste, en advertensies wat ingevoeg is teen die sluitingsdatums soos aangedui op die Vakaturelysrooster sal geadverteer word in die Vakaturelys wat van toepassing is op die toepaslike sluitingsdatum. |
| 3. |
Prinsipale en beheerliggame word vriendelik versoek om seker te maak dat advertensies elektronies ingevul word op die konsepvakaturelys op die WKOD-webwerf by http://wced.pgwc.gov.za. Geen skriftelike vorms sal aanvaar word nie. Prinsipale moet hulle kringspanbestuurders raadpleeg indien hulle probleme ondervind met die proses van die voltooiing van die advertensies op die konsepvakaturelys op die webwerf. Raadpleeg asseblief Omsendbrief 0010/2005 van 18 Julie 2005 in hierdie verband. Prinsipale wat nie toegang tot die webwerf het nie, moet hulle kringspanbestuurders kontak. |
| 4. |
Die samewerking van alle betrokkenes sal die suksesvolle bestuur van hierdie belangrike taak verseker en sal hoog op prys gestel word |
GETEKEN: PA VINJEVOLD
HOOF: ONDERWYS
DATUM: 2011:12:06
|
 |