| 1. |
Ingesluit is u IRP 5 / IT 3(a)-sertifikate vir die 2010-2011-belastingjaar. |
| 2. |
Die sertifikate moet oorhandig word aan die betrokke werknemers op u diensstaat. Maak asseblief seker dat oorblywende sertifikate van werknemers, wat gedurende die 2010/2011 belastingjaar in u diens was, maar nie meer op u diensstaat verskyn nie, onmiddellik na hulle nuwe betaalpunt of woonadresse versend word, of aan hierdie kantoor teruggestuur word. |
| 3. |
Die meegaande kontrolestaat moet onmiddellik gesertifiseer en vir rekorddoeleindes gestuur word aan
| |
Die Hoof: Onderwys
Belastingafdeling (7de vloer)
Wes-Kaap Onderwysdepartement
Privaatsak X9114
Kaapstad
8000 |
|
| 4. |
Die belastingafdeling word gewoonlik oorval met versoeke om die uitreik van duplikaat IRP 5-sertifikate, en dit is duidelik dat sommige werknemers nie die belangrikheid van die IRP-sertifikate besef nie. Gevolglik plaas dit 'n onnodige administratiewe las op hierdie kantoor. |
| 4.1 |
By ontvangs van IRP 5-sertifikate, moet alle werknemers toesien dat die sertifikaat veilig bewaar word. |
| 4.2 |
Slegs 'n skriftelike versoek om 'n duplikaat IRP 5-sertifikaat sal aanvaar word. |
| 4.3 |
'n Heffing van R40.00 per duplikaat sertifikaat is betaalbaar vanaf die 2008-belastingjaar. |
| 5. |
Alle werknemers word versoek om seker te maak dat die belastingnommer op hulle sertifikate korrek is.Indien geen belastingnommer vertoon word nie en die werknemer 'n geregistreerde belastingbetaler is, moet hulle belastingnommers by hierdie kantoor (Belastingafdeling) ingedien word sodat hulle Persal-rekords bygewerk kan word. ( 'n Afskrif van 'n belastingopgawe of 'n brief vanaf die Suid-Afrikaanse Inkomstediens (SAID) waarop die belastingnommer verskyn moet voorgelê word as verifikasie.) |
| 6. |
Die SAID het aangekondig dat alle werknemers in die toekoms as belastingbetalers geregistreer moet wees, afgesien van wat hulle verdien (met inbegrip van diegene onder die R60 000 drumpel). Alle werknemers word dus aangeraai om so spoedig moontlik te registreer en dan hulle belastingnommers aan die WKOD voor te lê. |
| 7. |
Die periode waartydens die 2011 belastingopgawes aan SAID voorgelê moet word in drukstukvorm is vanaf 1 Julie tot 30 September 2011, en per elektroniese voorlegging vanaf 1 Julietot25 November 2011. In gevalle waar uitstel verlang word, is dit die werknemer se verantwoordelikheidom sodanige uitstel van die SAID te versoek. |
| 8. |
Maak asseblief seker dat die inhoud van hierdie minuut onder die aandag van alle personeellede gebring word. |
GETEKEN: LJ ELY
HOOFDIREKTEUR: FINANSIËLE BESTUUR
DATUM: 2011:07:08
|
 |