| 1. |
ISebe leMfundo leNtshona Koloni (WCED) liza kubonelela zonke izikolo ngeekhithi zemathematika eziyinxalenye yephulo longenelelo ngoncedo i-LIT/NUM leSigaba 1. |
| 2. |
Utitshala ngamnye/iklasi nganye ukuqalela kwiBakala 1 ukuya ku-6, iya kunikwa iikhithi zemathematika ezinezinto-yinto ezifanekileyo zokusetyenziswa ekufundiseni imathematika. |
| 3. |
Zakuba zifikile ezi khithi, makutshekishwe okungaphakathi kuzo, kufakwe izitampu kuze kurekhodwe kwi-inventri yesikolo. |
| 4. |
Bayakhuthazwa ootitshala nabafundi ukuba babe nolwazi ngokuqulethwe zezi khithi nokuba bazisebenzisele ukuphucula ukufundisa imathematika. |
| 5. |
IsiHlomelo A esiqhotyoshelweyo sinika ilisti yokuqulethwe yikhithi nganye enikwa iSigaba seSiseko neSigaba esiPhakathi. |
| 6. |
Iinqununu maziqinisekise ukuba kugcinwa i-inventri ekurekhodwe kuyo zonke izibonelelo ezibonelelwa liSebe iWCED nokuba makubekho umgaqo-nkqubo ongqongqo osebenzayo wokubuyiswa kweencwadi ngabafundi (retrieval policy). |
| 7. |
Ziyacelwa izikolo ukuba ziqinisekise ukuba ziyasetyenziswa ezi khithi zemathematika kwaye ziphathwa ngenyameko njengoko kungayi kuthengwa ezinye endaweni yazo kule minyaka mi-3 ukuya kwemi-5 izayo. Ukulungiswa nokuthengwa kwezinye endaweni yezimoshakeleyo kuya kuba luxanduva kwesikolo. |
| 8. |
Lo gama ukusiwa kwazo kuya kuqhubeka ukususela ngoFebruwari 2011 ukubheka phambili, uncedo oluza kunikwa ootitshala malunga nokusetyenziswa kwezi khithi, luya kubonelelwa ngabaqeqeshi beZiko leMathematika (Maths Centre trainers) kunye/okanye xa amagosa ezithili zemfundo etyelela izikolo. Kuya kulindeleka ukuba ezi khithi zihlale zikwimeko entle nesemgangathweni ngethuba lokunikwa koncedo. |
| 9. |
Kucelwa iinqununu zazise okukule ngcaciso imfutshane ikomiti yolawulo lwesikolo nootitshala abachaphazelekayo ukuze bakuthathele ingqalelo. |
ISAYINWE: NGU-SM NAICKER
UMLAWULI OYINTLOKO WEZOPHUHLISO LWEKHARITYHULAM
UMHLA: 2011:03:31
|
 |