| 1. |
1. ISebe leMfundo esiSiseko (Department of Basic Education (DBE)) liqeshe umboneleli-nkonzo ukuba ase iincwadi zomsebenzi zamaBakala 1-6 zoLwazi lokuFunda nokuBhala noLwazi lokuBala (Literacy and Numeracy workbooks) kubo bonke abafundi. |
| 2. |
Ezi ncwadi zomsebenzi zisiwa ngqo ezikolweni. Ukusiwa kwazo kwaqalwa nge-17 Januwari eNtshona Koloni. |
| 3. |
Ezi ncwadi zomsebenzi zabafundi ziprintwe ngazo zonke iilwimi zaseburhulumenteni ezili-11 kwaye ziya kusiwa ngokolwimi, amanani obhaliso abafundi nangokwamabakala kwisikolo ngasinye. I-DBE isebenzise idatha ye-EMIS ekhoyo yakutshanje nenikwe ngamaphondo ukulungiselela ukwabiwa kwazo (allocation) kwisikolo ngasinye. Abafundi bamaBakala 1-3 baya kufumana iincwadi zomsebenzi zolwazi lokufunda nokubhala ngoLwimi lwaseKhaya (Home language) olufundiswa esikolweni, lo gama iincwadi zomsebenzi zolwazi lokubala kumaBakala 4-6 ziya kuba ngolwimi lokufunda nokufundisa lwesikolo. Ukongeza, iincwadi zomsebenzi zamaBakala 4-6 zibonelelwa ngoLwimi lwaseKhaya lwesikolo ngasinye. |
| 4. |
Kusekwe iziko lefoni (086 136 3600) lezikolo ukulungiselea izikolo ukuba zixele nakuphi na ukushota kwenani leencwadi zomsebenzi kunye/okanye iinguqulelo zeelwimi ezingachanekanga ezithe zasiwa kuzo , ukuba zikho. |
| 5. |
Kucelwa iinqununu ukuba zizalise le fom yesaveyi ehamba kunye nolu xwebhu (Addendum A) zize ziyithumele kumphathi wekomiti yesekethe wazo ungekadluli owe-28 Januwari 2011. Le fom yesaveyi ithatha indawo yefom ekwafana nayo eyayithunyelwe yiDBE. Izithili ziya kuyihlanganisa ingcaciso kwezo fom lize iSebe iWCED lenze ingxelo ngayo kwiDBE. |
| 6. |
Ezi ncwadi zomsebenzi mazisetyenziswe kunye neeshedyuli zomsebenzi zeWCED okanye nezicwangciso zezifundo (lesson plans) zeDBE, kwakunye neencwadi zezifundo (textbooks) kunye nezinye izibonelelo. |
| 7. |
Iincwadi zomsebenzi ziincwadi ezisetyenziswa zigqitywe (are consumable resources). Kufuneka kwakhona abafundi babhale kwiincwadi zabo zokubhala imisebenzi (exercise books) basebenzise neencwadi zabo zezifundo zolwazi lokubala/ zemathematika ukwenza umsebenzi weklasi nokwenza umsebenzi wasekhaya yonke imihla. |
ISAYINWE: NGU-SM NAICKER
INTLOKO: YESEBE LEMFUNDO
UMHLA: 2011:01:24
|
 |