1. |
1. Ngo-2010 iSebe leMfundo esiSiseko kazwelonke (national Department of Basic Education (DBE)) lapapasha idrafti yeNkcazo yoMgaqo-nkqubo weKharityhulam noVavanyo kazwelonke (draft national Curriculum and Assessment Policy Statements (CAPS)) ukwenzela ukuba uluntu lungenise iikhomenti zalo. Okwalandela oku, yaba kokunye ukuphuculwa okwaye kwenzeka yaye ngoku kusahlelwa i-CAPS yokugqibela ukulungiselela ukuba ishicilelwe ize ithunyelwe ukuqalela ku-Agasti 2011 kuye phambili. I-DBE igqibe ekubeni iSigaba seSiseko (amaBakala R - 3) siya kusebenzisa i-CAPS ukuqala ngoJanuwari 2012. |
2. |
Le ngcaciso imfutshane isebenza njengeyazisa okokuqala izikolo nee-ofisi zezithili zemfundo ngesicwangciso sephulo lephondo leSebe iWCED lokwazisa uluntu i-CAPS kwiSigaba seSiseko. |
3. |
Kucelwa izikolo nee-ofisi zezithili zemfundo zibekele bucala le mihla ekwesi sicwangciso sephulo lokwazisa uluntu silapha ngezantsi ukulungiselela iinjongo ezicacisiweyo:
Iqela ekujoliswe kulo |
Imihla |
Injongo |
IiNtloko zoQuquzelelo neNgcebiso ngezeKharityhulam, abaququzeleli be-GET |
29 Julayi 2011 |
Yokucwangcisa (i-CAPS) |
IKomiti yoQeqesho esiSiseko yePhondo |
26 Agasti 2011 |
Yokucwangcisa (i-CAPS) |
IiNtloko zoQuquzelelo neNgcebiso ngezeKharityhulam, abaququzeleli be-GET Abacebisi ngezekharityhulam be-ECD beSigaba seSiseko, abacebisi bokunika inkxaso ekufundeni |
7 - 9 Septemba 2011 |
Yoqeqesho oluqhubeka kwiphondo (i-CAPS) |
Abaphathi beekomiti zeesekethe, abaphathi beze-IMG, iiNtloko zoQuquzelelo neNgcebiso ngeze-IMG |
15 - 16 Septemba 2011 |
Yokuqhelaniswa (orientation) okwenzeka kwiphondo (i-CAPS) |
Bonke ootitshala bamaBakala 1 - 3 |
3 - 5 Oktobha 2011 |
Yoqeqesho oluqhubeka kwiisekethe (i-CAPS) |
Zonke iinqununu zezikolo ezinamaBakala e-FP |
6 Oktobha 2011 |
Yokuqhelaniswa (orientation) okuqhubeka kwizithili (i-CAPS) |
1 FP CA kwisekethe nganye 1 IP Language CA kwisithili ngasinye Ootitshala abakhokelayo aba-2 kwisekethe nganye |
4 - 6 Novemba 2011 |
Yoqeqesho olwenziwa kwiphondo (uLwimi lokuQala oLongezelelweyo) |
|
4. |
Bonke ootitshala, iikomiti zolawulo zezikolo (school management teams) namagosa achaphazelekayo
- mabakwazi ukwazisa kunye/okanye ukunika inkxaso ekuphunyezweni kwe-CAPS kwiSigaba seSiseko ukuqalela ku-2012; yaye
- kufuneka baye kwikhosi yokuqhelaniswa ne-CAPS ngo-2011 yaye baqinisekise ukuba ukucwangcisela u-2012 kuhambelana ne-CAPS.
|
5. |
Enye ingcaciso ngemiba engamalungiselelo oku iya kunikwa xa sele isondele le mihla ikhankanywe apha ngasentla.
|
6. |
Ukuqaliswa kwe-CAPS kwiBakala R
|
6.1 |
Ootitshala beBakala R nabancedisi abasephantsi koqeqesho (practitioners) baya kuqhelaniswa ne-CAPS kwinkqubo eyahlukileyo kule ilapha ngasentla. |
6.2 |
Ukwenzela ukufikelela kule njongo, bonke abacebisi be-ECD beSigaba seSiseko sele beqhelanisiwe (orientated) ne-CAPS yaye sekuqeqeshwe nabancedisi abasephantsi koqeqesho abayi-49 njengootitshala abangabakhokeli (lead teachers).
|
6.3 |
Yinjongo yeSebe iWCED ukunika uqeqesho kwi-CAPS olucwangciswe ngobuchule kubo bonke ootitshala nabancedisi abasephantsi koqeqesho kwiSebe kwithuba leminyaka emi-3 ezayo, ukuqinisekisa ukuba, ngo-2014, kukho ukuhambelana komgaqo-nkqubo wekharityhulam nendlela yokufundisa eklasini, yaye nanjengenyathelo lokwenza umgangatho ufane. |
6.4 |
Iqela lokuqala lootitshala beBakala R nabancedisi abasephantsi koqeqesho liya kuqeqeshwa kwi-CAPS ngethuba eliphakathi koJuni 2011 noJanuwari 2012. Ii-ofisi zezithili zemfundo ziya kukhetha aba titshala kunye nabancedisi abasephantsi koqeqesho, zize zinike imihla, iindawo namalungiselelo eprogram yoqeqesho ka-2011. |
6.5 |
Kucelwa niqaphele ukuba bonke ootitshala beBakala R abafundisa kumaziko angumzekelo (model sites) baya kufakwa nabo kweli qela. |
6.6 |
Ziyacelwa kwakhona iinqununu zezikolo neentloko zezifundo (department heads) ukuba zithathe inxaxheba, ukwenzela ukuba kubekho ulwazi olufanayo lokuphunyezwa kwe-CAPS.
|
7. |
Kucelwa iinqununu zezikolo nabalawuli bezithili zemfundo zazise okubhalwe kule ngcaciso imfutshane bonke abasebenzi. |
ISAYINWE: NGU-BK SCHREUDER
USEKELA MLAWULI-JIKELELE: WOLAWULO NOVAVANYO LWEKHARITYHULAM
UMHLA: 2011:06:21
|
|