1. ISebe leMfundo leNtshona Koloni lenze le ncwadana [Tips for Success booklet] yomviwa ngamnye woviwo lweSatifikethi seMatriki sikaZwelonke (NSC) eNtshona Koloni ngo-2011 ukubanceda kumalungiselelo abo eemviwo. Le ncwadana inika iingcebiso ngokumalunga nokufunda, iingcebiso ngeemviwo, ithayimthebhili yoviwo, ingcaciso ngeebhasari, iingcebiso ngokuphumelela kunye nenye ingcaciso abanokuyisebenzisa.
2. Injongo yale ncwadana kukuba mayinikwe umfundi ngamnye weBakala 12 phamibi kokuba kuphele isiqingatha sokuqala sonyaka.
3. Ukongeza kwezi ncwadana zabaviwa, kuya kufakwa neencwadana ezongezelelweyo eziyi-20 ezona zininzi ngesikolo ngasinye zootitshala bezifundo zeBakala 12. Ezi ncwadana ziya kusiwa ngamagosa ezithili zemfundo kuzo zonke izikolo eziphakamileyo ingadlulanga i-25 Matshi 2011.
4. Inqununu, okanye utitshala odluliselwe lo msebenzi, uya kucelwa atsho ukuba bazifumene iincwadana emva kokuqinisekisa ukuba inani leencwadana ezisiweyo liyangqinelana nenani labafundi beBakala 12 esikolweni, njengoko kucacisiwe kwilisti ehamba nazo ye-CEMIS. Umntu owamkela ezi ncwadana makanike ezi nkcukacha zilandelayo kwifom ehamba nazo:

  • Igama lakhe, inombolo ye-ID nesiginitsha yakhe
  • Igama nedilesi yesikolo
  • Istampu sesikolo
  • Umhla wokusiwa kwazo
  • Inani leencwadana ezifunyenweyo zesiNgesi kunye/okanye zesi-Afrikansi zabaviwa beNSC
  • Inani leencwadana ezifunyenweyo zootitshala beBakala 12

Ikopi enye yefom mayigcinwe sisikolo ize ikopi eyintsusa ibuyiselwe kwi-ofisi yesithili semfundo ukwenzela ukuba iqwalaselwe ngumcebisi ngezekharityhulam oyintloko.
5. Ukuba alichanekanga inani lezincwadi okanye iincwadana ezisiwe esikolweni, kucelwa uqhagamshelane ne-ofisi yesithili sakho. Iincwadana ezingaphezulu mazibuyiselwe kwi-ofisi yesithili semfundo.
6. Ukwenzela ukuba ezi ncwadana zibe nezo ziphumo zinqwenelekayo zokuncedisa abaviwa xa belungiselela iimviwo zabo, kucetyiswa ngamandla ukuba ootitshala baxoxe ngokuqulethwe zizo neeklasi zabo zeBakala 12 nokuba babakhuthaze abafundi ukuba bazifunde.
7. Amaphepha eemviwo zeNSC ezidlulileyo neememorandam zawo ayafumaneka ku http://www.education.gov.za/Examinations/PastExamPapers/tabid/351/Default.aspx.
8. Kucelwa wazise okukule ngcaciso imfutshane bonke ootitshala ukuze bakuthathele ingqalelo.


ISAYINWE: NGU-BK SCHREUDER
USEKELA MLAWULI-JIKELELE WECANDELO LOLAWULO LWEKHARITYHULAM
UMHLA: 2011:03:08

"CEMIS list"  (ubukhulu: 29 KB)
"Delivery of grade 12 tips for success booklets in 2011"  (ubukhulu: 24 KB)