| 1. | Kucelwa nifunde le Ngcaciso iMfutshane yeFET: DCF 0038/2009 eyayithunyelwe kuzo zonke izikolo eziphakamileyo ezazifundisa iFizikhali Sayensi ngo-2009. Oku kwalandelwa sisaziso esatshintsha umhla ekwakufuneka ngawo zonke ezi zikolo zizalise iikhweshine nee-inventri zazo ekhompyutheni ube yi-30 Apreli 2010. |
| 2. | Njengangoku, ikhweshine nee-inventri ezizaliswa ekhompyutheni zezikolo eziphakamileyo eziyi-185 azibhalwanga nto konke okanye zizaliswe ngokuyinxenye. Le meko iphazamisa izicwangciso zeSebe iWCED zokuthenga istokhwe nokususa umphutha weekhemikhali (chemical waste) ezikolweni zalo. |
| 3. | Ngako oko ke, zonke izikolo eziphakamileyo zeSebe iWCED ezifundisa iFizikhali Sayensi mazizalise ikhweshine nee-inventri ekhompyutheni ungadlulanga owe-03 Meyi 2011. Izikolo ezingaphumeleliyo ukwenjenjalo aziyi kuqwalaselwa xa kususwa umphutha weekhemikhali naxa kuthengwa istokhwe. |
| 4. | Izikolo mazingangenisi iikopi zazo ezingamaphepha ezizalisiweyo zeekhweshine kunye nee-inventri kwaNdlunkulu. |
| 5. | Abacebisi ngezekharityhulama kwizithili ngezithili baqeqeshiwe ukuba banike uncedo ezikolweni zabo kwaye makuqhagamshelwane nabo xa kufunwa uncedo. |
| 6. | Le yidilesi yewebhu ye-inventri ekwikhompyutha yeWCED http://cemis.pgwc.gov.za Ukunceda izikolo ukuba zifake idatha yazo ekhompyutheni, iWCED ibonelele ngesi sikhokelo i-User Guide. |
| 7. | Phambi kokuba isikolo sifake idatha yaso ekhompyutheni, masibe nekopi eliphepha yee-inventri zaso nekhweshine yaso ezaliswe zonke iinkcukacha. Iikopi ezingamaphepha zee-inventri nekhweshine kunye ne-User Guide mazikotshwe ekhompyutheni (downloaded) kweli ziko lewebhu litsha leWCED http://curriculum-dev.wcape.school.za/
Emva kokuba ulivulile iziko lewebhu, klikha u-"Tools" kumntla we-menu bar ngasekunene. Beka i-cursor yakho kwi-"Pop-up blocker" kunye nakwi-pop-up ebonisiweyo, qinisekisa ukuba icimile i-"Pop-up blocker" phambi kokuba uqhubele phambili. Emva koko beka icursor ku-"FET: Further Education and Training". Skrola wehle nge-pop-up uze ubeke icursor yakho ku-"Sciences". Skrola uye ekunene uze emva koko uye ku-"Physical Science". Klikha ku-"Physical Science". Kwi-window entsha klikha ku-"Downloads 1", eyibhulethi yokugqibela ngasekhohlo. Kule window intsha, klikha kwifolda ye-"Circulars". Kwi-window entsha, klikha kuloo item oyikhethileyo, umz. "UserGuideEng". Kwi-window entsha, klikha ku-"Downloads". Kwi-pop-up, khetha u-"Save" uze useyivele uxwebhu olo kwi-Desktop yakho. Ungamkhethi u-"Open". |
| 8. | Kucelwa wazise okubhalwe kule ngcaciso imfutshane ootitshala abajongene nomsebenzi wokuzalisa i-inventri yeFizikhali Sayensi ekhompyutheni ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE: WOLAWULO LWEKHARITYHULAM NOVAVANYO
UMHLA: 2011:03:08
