| 1. |
Iziko ngalinye lemfundo elibhala iiMviwo zeMatriki zikazwelonke phantsi kweSebe leMfundo leNtshona Koloni ngokwenjenje linikwa ucazululo lweziphumo ezizuzwe ngabaviwa balo kwiimviwo zeMatriki zika-2010. |
| 2. |
Ngethuba lenkqubo yokumakisha ngoDisemba, amanqaku azuzwe ngumviwa ngombuzo kwiphepha loviwo ngalinye afakwe kwikhompyutha ukuze iSebe leMfundo leNtshona Koloni linike olu cazululo lweziphumo kwizikolo nganye. |
| 3. |
Abacwangcisi bekharityhulam nabacebisi baya kunikwa iinkcukacha-manani zephondo kunye nee-EMDC zabo ukwenzela ukuba baqulunqe iindlela zokuncedisa ootitshala bajongane nemiba enzima yekharityhulam. |
| 4. |
Okubalulekileyo kukuba, olu cazululo lweziphumo lwenza isikolo ngasinye sibone apho abafundi baso baqhube kakuhle nalapho baye bafumana ubunzima khona ukuphendula imibuzo. |
| 5. |
Ezi nkcukacha-manani zifanele kananjalo ukunceda iinqununu kumsebenzi wazo wokuqinisekisa umgangatho womsebenzi owenziwa ezikolweni zabo. |
| 6. |
Ezi nkcukacha-manani zibonisa oku kulandelayo ngokubhekiselele kwisikolo ngasinye:
- Umahluko ngepesenteji ongaphezulu okanye ongaphantsi komndilili wephondo ofunyenwe ngabafundi baso kumbuzo ngamnye. Ipesenteji engumahluko onguphozithivu ibonisa ukuba ipesenteji engumndilili ibingaphezulu komndilili wephondo, lo gama umahluko wepesenteji engunegethivu ibonisa umndilili wepesenti ongaphantsi komndilili wephondo. Umahluko wepesenteji ephozithivu ubonisa ukuba ipesenteji engumndilili ibingaphezulu komndilili wephondo, lo gama umahluko wepesenteji engunegethivu ubonisa ipesenteji engumndilili ongaphantsi komndilili wephondo.
- Inani labaviwa abazame ukuphendula umbuzo ngamnye.
- Kukho umahluko kwipesenteji yomndilili wamanqaku afunyenwe ngabaviwa kwiphepha lilonke nakumndilili wephondo. Oku kubonakala kwikholam yokugqibela
|
| 7. |
Ootitshala abachaphazelekayo kwisifundo ngasinye bafanele ukuxoxa ngezi nkcukacha-manani, baqaphele iinkalo abenze kakuhle kuzo nezo babe buthathaka kuzo abaviwa, basebenzise le ngcaciso ekwenzeni isicwangciso samanyathelo okuphucula isifundo kunyaka ka-2011. |
| 8. |
Apho kuqatshelwe khona iingxaki ezimandla kwisifundo, iintloko zezifundo maziqhagamshelane nabacebisi ngezekharityhulam ukucela uncedo. Iintloko zezifundo ziyakhuthazwa kananjalo zithathe inxaxheba zibambisene nootitshala abachaphazelekayo kumagqiza ezifundo (subject groupings) kwezo ndawo bakuzo. Ootitshala ababafundi babo bafumene impumelelo eyodwa kwimibuzo ethile bangacelwa ngumcebisi ngezekharityhulam babelane nabanye ngeemfihlo zempumelelo yabo nezo zikolo zingaqhubanga kakuhle. |
| 9. |
ISebe leMfundo leNtshona Koloni linengqiniseko yokuba iinqununu, ootitshala nabacebisi ngekharityhulam baya kuzuza lukhulu kwezi nkcukacha-manani, yaye oku kuya kukhokelela ekuphuculweni komgangatho wokufunda nokufundisa kwiphondo leNtshona Koloni. |
| 10. |
Kucelwa iinqununu ukuba bazise okubhalwe kule ngcaciso imfutshane ootitshala, abazali nabafundi ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2011:01:04
|
 |