| 1. |
I-Cape Teaching & Leadership Institute (CTLI) iya kuba iqhuba iikhosi, iinkomfa neesemina ezidweliswe kwiziHlomelo A, B, C, D no-E zeenqununu, zamasekela-nqununu, zootitshala abaziintloko zamacandelo ezifundo nezootitshala ngethuba leekota zesikolo okanye ngeeholide zesikolo ngo-2012. |
| 2. |
Amagosa ezithili makatyumbe ootitshala amabeze kwezi khosi zoqeqesho ze-CTLI yaye umlawuli wesithili semfundo makasayine amagama abatyunjiweyo phambi kokuba angeniswe kwi-CTLI. Ootitshala abanomdla wokuza kwezi khosi bayacetyiswa ngamandla ukuba babhalise, ngokudlula kuqala kumagosa ee-ofisi zezithili zemfundo zabo. (Funda isiHlomelo F ukufumana iinkcukacha zoqhagamshelwano zamagosa ezithili zemfundo). Isikolo masingaze naphantsi kwazo naziphi na iimeko, siwathumele amagama abatyunjelwe iikhosi zoqeqesho ngqo e-CTLI.
|
| 3. |
Ubhaliso kwiinkomfa neesemina malwenziwe ne-CTLI ngqo.
|
| 4. |
Kuya kuqeshwa ootitshala ababambeleyo liSebe iWCED endaweni yezo titshala eziya ezikhosini ze-CTLI ngethuba leekota zesikolo, ngokuxhomekeka ekubeni
- akukho titshala ungaphezu kwemfuno (no teacher is in excess) esikolweni;
- utitshala obambeleyo akangotitshala ohlawulwa libhunga lolawulo; yaye
- utitshala obambeleyo akasele ebambele omnye utitshala.
|
| 5. |
Luxanduva lwesikolo ukufumana nokutyumba utitshala oza kubambela utitshala oza kuya ekhosini. |
| 6. |
Iikhosi ziyaphinda-phindwa amaxesha amaninzi apha enyakeni ukwenzela ukuba otitshala bakhethe iikhosi ezifundiswa ngamaxesha abanako ngawo ukuya ezikhosini ngokupheleleyo (attend a full course). |
| 7. |
Ngootitshala abayi-50 kuphela abanokubhaliselwa ikhosi nganye. Aba titshala baya kutyunjwa kuzo zosibhozo izithili zemfundo. Oku kuthetha ukuba kuphela lelo nani liqingqiweyo lootitshala amabeze ekhosini nangaliphi na ixesha. |
| 8. |
Amagama abo bathe batyunjwa zii-ofisi zezithili zemfundo abaza kuthabatha inxaxheba kwiikhosi zekota yokuqala ka-2012, mawafike e-CTLI ungadlulanga owe-25 Novemba 2011. Amaxesha okungenisa amagama abatyunjwa abaza kuza ezikhosini eziza kuqhutywa kwikota ezintathu ezilandelayo ku-2012, obuye aziswe yiCTLI kwikota yokuqala ka-2012. |
| 9. |
Ukuba ufuna ingcaciso engaphezulu, kucelwa uqhagamshelane ngaphandle kwamathandabuzo nomnye wala magosa ase-CTLI alandelayo:
|
| 10. |
Kucelwa wazise okukule ngcaciso imfutshane bonke ootitshala abachaphazelekayo ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI -JIKELELE WEKHARITYHULAM NOLAWULO LOVAVANYO
UMHLA: 2011:11:02
|
 |