| UMHLA: |
|
4 & 5 Oktobha 2011 |
| INDAWO: |
Cape Teaching and Leadership Institute
Nooiensfontein Road, Kuils River |
| AMAXESHA: |
4 Oktobha : 08:00 - 16:00
5 Oktobha : 08:00 - 14:00 |
| NGOOBANI ABAMELE UKUYA KUYO |
Ootitshala bamaBakala R - 3 |
|
| 1. |
ISIMEMO
ISebe leMfundo leNtshona Koloni (WCED) limema ootitshala beMathematika bamaBakala R - 9 ukuba babekho kule nkomfa njengabaza kwenza iinkcazo-ntetho okanye njengabathathi-nxaxheba.
|
| 2. |
INJONGO
Injongo yale nkomfa yemathematika kukunika imizekelo yeendlela ekunokufundiswa ngazo imathematika ngempumelelo.
|
| 3. |
INGCACISO ENIKWA ABO BAZA KWENZA IINKCAZO-NTETHO (PRESENTERS)
|
| 3.1 |
Ootitshala abanomdla ekwenzeni izifundo zemathematika, intetho ebhaliweyo ngokufundiswa kwemathematika, okanye abaza kuthatha inxaxheba kumasifundisane wezona ndlela zibhetele zokufundisa imathematika kule nkomfa, mabakhokelwe koku kulandelayo:
- Isifundo okanye intetho ebhaliweyo, okanye "Ndifundisa njani" mazisusele kwiNkcazo yeKharityhulam kaZwelonke yeMathematika yamaBakala R - 9.
- Isifundo kufuneka sifundise umba othile kwisilabhasi yeMathematika kwibakala elithile.
- Abathathi-nxaxheba kwinkomfa mabathathe inxaxheba kwinkcazo-ntetho.
- Ithuba lenkcazo-ntetho: 60 imizuzu. Iingxoxo zamaqela okanye imibuzo mayinikwe imizuzu emi-5 ukuya kweli-10.
- Kule nkomfa kuya kubakho iitafile nezitulo eziphatheka ngokulula, idatha-projektha, i-ovahedi-projektha, i-whitebaord ne-flipchart stand enephepha.
- Zonke iiwekhishithi zenkomfa ziya kudityaniswa zize ziprintwe zibe yincwadi. Oku kuthetha ukuba akukho mfuneko yokuba abenzi nkcazo-ntetho beze nezinye iikopi zengcaciso eprintiweyo zokongeza, ngaphandle kokuba kufuneka abathathi-nxaxheba basike okanye basonge amaphepha ewekhishithi.
- Zonke izinto ezibhaliweyo mazitayitshwe zize ziprintwe kwi-laser printer, ukuba kunokwenzeka. ISebe iWCED liya kuzidyuplikheyitha izinto eziprintiweyo.
|
| 3.2 |
Ukuba unomdla wokwenza okuthile kule nkomfa, kucelwa uzalise isiHlomelo A esiqhotyoshelweyo uze usibuyisele kuMnu K Scheepers kule nombolo yefeksi 021 900 5175/5013/5162 okanye kule dilesi ye-imeyili kscheepe@pgwc.gov.za ungagqithanga owe-24 Isilimela 2011.
|
| 4. |
INGCACISO ENIKWA ABATHATHI-NXAXHEBA
|
| 4.1 |
Kucelwa ootitshala abangathanda ukuya kwinkomfa njengabathathi-nxaxheba ukuba bazalise iinkcukacha zabo kuluhlu lwesikolo kwisiHlomelo B. |
| 4.2 |
IsiHlomelo B esizalisiweyo masithunyelwe kuMnu K Scheepers kule dilesi ye-imeyili kscheepe@pgwc.gov.za okanye kuGaynor Matthews kule dilesi ye-imeyili gmatthew@pgwc.gov.za okanye kule nombolo yefeksi 021 900 5175 / 5013 / 5162. |
| 4.3 |
Ubhaliso luya kuvalwa kwakuba kubhaliswe abathathi-nxaxheba bokuqala abayi-400. Kuya kubhaliswa ngokuthi kuthathwe ofike kuqala kunabanye. Ngako oko ke, qinisekisa ukuba ubhalisa ngokukhawuleza. |
| 4.4 |
Iprogram yenkomfa iya kubandakanya iseshoni yeengxoxo zamaqela (plenary panel discussion) neeseshoni eziqhubeka ngaxeshanye kwiindawo ezahlukeneyo ezenziwa ngabenza iinkcazo-ntetho. Izikolo ezibhalisele le nkomfa ziya kufumana iinkcukacha zeprogram yenkomfa ungadlulanga owe-22 Septemba 2011. |
| 5. |
AMALUNGISELELO ENKQUBO YENKOMFA
Abathathi-nxaxheba okanye abenza iinkcazo-ntetho abasuka kwizithili zemfundo ezisemaphandleni abahamba ngaphezu kwe-120km ngohambo lokuya nokubuya, bangalala ehostele yaseCape Teaching and Leadership Institute (CTLI) ngobusuku bangoMvulo, we-3 Oktobha nangoLwesibini we-4 Oktobha 2011. Indawo yokulala iya kuhlawulwa liSebe. Abathathi-nxaxheba baya kuzihlawulela ngokwabo iindleko zohambo.
|
| 6. |
Kuya kwenziwa iseshoni yengcaciso eyenzelwa bonke abaza kwenza iinkcazo-ntetho abakhethiweyo kwiprogram, eCTLI, Nooiensfontein Road, Kuils River nge-20 Isilimela 2011 ngo-14:00.
|
| 7. |
I-WCED inethemba lokuba le nkomfa iya kuba ngamava abaya kuzuza lukhulu kuwo bonke ootitshala beMathematika abaya kubakho. |
ISAYINWE: NGU-BK SCHREUDER
USEKELA-MLAWULI JIKELELE WECANDELO LEKHARITYHULAM NOLAWULO LOVAVANYO
UMHLA: 2011:04:29
|
 |