| UMHLA: |
|
6 ne- 7 Oktobha 2011 |
| INDAWO: |
Cape Teaching and Leadership Institute,
Nooiensfontein Road, Kuils River |
| AMAXESHA: |
6 Oktobha: 08:00 - 17:00
7 Oktobha: 08:00 - 14:00 |
|
| 1. |
ISIMEMO
ISebe leMfundo leNtshona Koloni (WCED) limema zonke iinqununu ukuba zize kule nkomfa nokuba ngaba ziza kwenza iinkcazo-ntetho okanye njengabathathi-nxaxheba.
|
| 2. |
INJONGO
Injongo yale nkomfa kukwabelana ngeembono, ngezona ndlela zibhetele nangamava malunga nolawulo nobunkokeli kwisikolo esiqhuba kakuhle.
|
| 3. |
INGCACISO ENIKWA ABO BAZA KWENZA IINKCAZO-NTETHO (PRESENTERS)
|
| 3.1 |
Abantu abanomdla wokufunda intetho ebhaliweyo okanye wokuqhuba umasifundisane malunga "nezona ndlela zibhetele zolawulo" kule nkomfa mabakhokelwe koku kulandelayo:
- Abathathi-nxaxheba kwinkomfa mabathathe inxaxheba kkumasifundisane.
- Ithuba lenkcazo-ntetho: 60 imizuzu. Iingxoxo zamaqela okanye imibuzo mayinikwe imizuzu emi-5 ukuya kweli-10.
- Kule nkomfa kuya kubakho iitafile nezitulo eziphatheka ngokulula, idatha-projektha, i-ovahedi-projektha, i-whitebaord ne-flipchart stand enephepha.
- Zonke izinto ezibhaliweyo mazitayitshwe zize ziprintwe kwi-laser printer, ukuba kunokwenzeka. ISebe iWCED liya kuzidyuplikheyitha izinto eziprintiweyo
- Iseshoni yengcaciso yabo bonke abenza iinkcazo-ntetho abakhethelwe iprogram, iya kuqhubeka ngoLwesine we- 9 Juni 2011.
|
| 3.2 |
Ukuba unomdla wokwenza okuthile kule nkomfa nge-6 nange-7 Oktobha 2011, kucelwa uzalise isiHlomelo A esiqhotyoshelweyo uze usibuyisele kuMnu A. Lamprecht kule nombolo yefeksi 021 900 5013/5175, okanye kule dilesi ye-imeyili alamprec@pgwc.gov.za engadlulanga uLwesibini we- 31 Meyi 2011. |
| 4. |
INGCACISO ENIKWA ABATHATHI-NXAXHEBA
|
| 4.1 |
Ziyacelwa iinqununu ezinganqweneli kwabelana ngezona ndlela zibhetele zolawulo ezikolweni zazo kodwa zibe zifuna ukubakho kule nkomfa, ukuba ziizalise isiHlomelo B. |
| 4.2 |
IsiHlomelo B esizaliwe ngokupheleleyo masithunyelwe kuMnu A Lamprecht kule dilesi ye-imeyili alamprec@pgwc.gov.za okanye kule nombolo yefeksi 021 900 5175/5013/5162 engadlulanga uLwesihlanu, we-29 Julayi 2011. |
| 4.3 |
Ubhaliso luya kuvalwa kwakuba kubhaliswe abathathi-nxaxheba bokuqala abayi-300. |
| 4.4 |
Iprogram yenkomfa iya kubandakanya iseshoni yeengxoxo zamaqela (plenary panel discussion) neeseshoni eziqhubeka ngaxeshanye kwiindawo ezahlukeneyo ezenziwa ngabenza iinkcazo-ntetho. Iinqununu ezibhalisele le nkomfa ziya kufumana iinkcukacha zeprogram yenkomfa nge-imeyili ungadlulanga owe-16 Septemba 2011.
|
| 5. |
AMALUNGISELELO ENKQUBO YENKOMFA
|
| 5.1 |
Abathathi-nxaxheba abahamba ngaphezu kwe-120km ngohambo lokuya nokubuya, bangalala ehostele yaseCape Teaching and Leadership Institute (CTLI) ngobusuku bangoLwesithathu, we-5 Oktobha nangoLwesine we-6 Oktobha 2011. |
| 5.2 |
Indawo yokulala iya kuhlawulwa liSebe. |
| 5.3 |
Iindleko zohambo aziyi kuhlawulwa liSebe. |
| 6. |
I-WCED inethemba lokuba le nkomfa iya kuba ngamava eziya kuzuza lukhulu kuwo zonke iinqununu eziya kubakho kwinkomfa. |
ISAYINWE: NGU-BK SCHREUDER
USEKELA-MLAWULI JIKELELE WECANDELO LEKHARITYHULAM NOLAWULO LOVAVANYO
UMHLA: 2011:04:29
|
 |