1. Die nasionale Minister van Basiese Onderwys het die Kurrikulum en Assesserings-beleidsverklarings (KABV) vir die Grondslagfase en Verdere Onderwys-en- opleidingsfase goedgekeur vir implementering vanaf 2012.
2. Die KABV-dokumente vir hierdie twee fases verskyn op die webtuiste van die Departement van Basiese Onderwys en ons moedig alle skoolhoofde, onderwysers en belangstellende ouers en individue aan om hierdie belangrike dokumente na te slaan en te bestudeer.
3. Die dokumente kan by die volgende webadresse verkry word:

Die webtuiste van die Departement van Basiese Onderwys te http://www.education.gov.za of anders by die WKOD-webbladsy te http://wced.wcape.gov.za Gaan dan na "CAPS documents" op die A-Z indeks.

4. Oriëntering van onderwysers en skoolhoofde sal in die loop van die jaar plaasvind, soos vroeër aangekondig.
5. Ons moedig graag skoolhoofde en onderwysers aan om nou die inhoud van die dokumente te bestudeer en te benut met die oog op deeglike beplanning ter voorbereiding van die implementering volgende jaar.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:06:24