1. Wes-Kaap Onderwysdepartement (WKOD) wil graag alle skole met graad 12-leerders inlig aangaande twee addisionele programme om die matrieks van 2011 te ondersteun.

2. Die eerste is 'n reeks televisieprogramme op DSTV kanaal 319 wat van 4 Julie tot 22 November 2011 as volg uitgesend sal word:

  1. Winterskool - 4 tot 15 Julie (10 dae, weekdae) van 09:00 tot 17:00
  2. Saterdagskool - 23 Julie tot 10 September en 15 tot 22 Oktober (10 Saterdae)
  3. Lenteskool - 3 tot 7 Oktober (5 dae)
  4. Eksamenskool - 19 Oktober tot 22 November (22 dae)
3. Die televisieprogramme sluit die volgende in:

  1. Eksamenvraesteloorsigte
  2. wenke vir alle geselekteerde vakke
  3. gedetailleerde uitgewerkte oplossings en verduidelikings van geselekteerde vorige eksamenvraestelle, en
  4. lewendige inbelsessies in die volgende vakke:

    • Wiskunde
    • Fisiese Wetenskappe
    • Lewenswetenskappe
    • Wiskundige Geletterdheid
    • Rekeningkunde
    • Geografie
    • Engels Eerste Addisionale Taal
4. Alle uitsendings word ondersteun deur leerder- en hulphandleidings wat die WKOD vir leerders sal aankoop. Hierdie boeke sal gelewer word aan distrikskantore en reëlings sal getref word deur distriksdirekteure dat dit die leerders by die skole wat dit aanvra, sal bereik. Vind asseblief aangeheg 'n PowerPoint aanbieding wat gedetailleerde inligting verskaf van die programme.

5. Die distriksdirekteure sal ook op versoek reël dat hierdie programme uitgesend word aan skole met die telematikafasiliteit.

6. Die tweede ondersteuningsprogram behels die verspreiding van 'n 48-bladsy gedrukte boek in Engels en Afrikaans wat ongesiene eksamenvraestelle bevat en nasienmemorandums in die volgende vakke:

Onderwerp Vraestel
Rekeningkunde 1
Besigheidstudies 1
Engels 1
Geografie 2
Lewenswetenskappe 1 & 2
Wiskundige Geletterdheid 1 & 2
Wiskunde 1 & 2
Fisiese Wetenskappe 1 & 2

7. Die gedrukte boeke sal laat in Augustus 2011 direk afgelewer word aan skole en sal leerders voorsien van addisionele maniere om voor te berei vir die finale eksamen, deur gebruik te maak van eksamenvraestelle wat hulle nog nie vantevore gesien het nie.

8. Prinsipale word versoek om die inhoud van hierdie minuut onder die aandag van alle graad 12-onderwysers en -leerders te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:06:23

"Winter Classes"  (grootte: 853 KB Powerpoint dokument)  |   "Winter Classes"  (grootte: 795 KB .zip lêr)