1. Goedkeuring is verleen om die Mei/Junie Senior Sertifikaat-eksamen te verleng tot 2014 (Staatskoerant No. 34401, Vol. 552, van 28 Junie 2011).

2. Die volgende twee kategorieë van kandidate mag registreer vir die verlengde Senior Sertifikaat-eksamen vanaf Mei/Junie 2012. In alle gevalle moet bewyse van uitslae van vorige matriek-eksamens ingedien word.

KATEGORIE 1:

  1. Kandidate wat onsuksesvol was in die Senior Sertifikaat-eksamen van 2007 en vroeër;
  2. Deeltydse kandidate wat alreeds ingeskryf het vir die Senior Sertifikaat-eksamen;
  3. Kandidate wat graad 11 in vorige jare geslaag het; en

KATEGORIE 2:

Volwasse kandidate wat 21 jaar en ouer is en wat nie vantevore vir die Senior Sertifikaat-eksamen ingeskryf het nie, mag vir die eksamens registreer op voorwaarde dat hulle aan die volgende vereistes voldoen, naamlik:

  1. Onderneem om die Senior Sertifikaat in die volgende twee tot drie jaar te voltooi;
  2. Mag alleenlik vir 2012 registreer (NOTA: Hierdie kandidate het tot 2014 om hulle Senior Sertifikaat te behaal;
  3. Moet 21 jaar en ouer wees;
  4. Hulle moet 'n motivering verskaf aan die Departementshoof waarom hulle toegelaat moet word om in te skryf; en
  5. Goedkeuring moet deur die Departementshoof verleen word.
3. In 2013 en 2014 mag slegs kandidate vir die eksamens inskryf wat reeds Senior Sertifikaat vakke afgelê het.

4. Kandidate sal toegelaat word om in te skryf slegs vir daardie vakke wat op die aangehegte inskrywingsvorm verskyn. Die sluitingsdatum vir die indiening van die Senior Sertifikaat-inskrywings is 30 November 2011.

5. U word vriendelik versoek om die inhoud van hierdie omsendminuut onder die aandag van alle belanghebbendes te bring.


GETEKEN: T SINGH
WNDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:08:17

"Government Gazette 34401"  (grootte: 127 KB)
Inskrywingsvorm vir die Senior Sertifikaat-eksamen: Mei / Junie 2012  (grootte: 71 KB)