| 1. |
Eksamenskrifte en alle ander eksamenverwante dokumente moet verpak word ooreenkomstig die prosedures bepaal in die Prosedurehandleiding vir Prinsipale, Sentrumbestuurders, Hoofopsieners en Opsieners (2010), en gestuur word aan die Departement op die afhaaldatums wat in paragraaf 3 hieronder aangedui word. |
| 2. |
Onder geen omstandighede mag eksamenskrifte aan die Departement gepos word of persoonlik deur prinsipale of hoofopsieners afgelewer word nie. |
| 3. |
Skynet sal die skrifte tussen 08:00 en 15:00 op die volgende datums by eksamensentrums afhaal:
| Vrydag |
06 Mei 2011 |
| Dinsdag |
10 Mei 2011 |
| Vrydag |
13 Mei 2011 |
| Donderdag |
19 Mei 2011 |
| Dinsdag |
24 Mei 2011 |
| Maandag |
30 Mei 2011 |
| Donderdag |
02 Junie 2011 |
| Woensdag |
08 Junie 2011 |
| Woensdag |
15 Junie 2011 |
| Woensdag |
22 Junie 2011 (Finale afhaal SS en BOOV Vlak 4 by geselekteerde sentrums) |
| Maandag |
27 Junie 2011 (Finale afhaal SS en BOOV Vlak 4 soos voorafgereël by geselekteerde sentrums) |
|
| 4. |
TERUGSENDING VAN SKRIFTE |
| 4.1 |
Maak asseblief seker dat die volgende dokumente volledig en korrek voltooi word:
- Koerier Kollekteerregister (Bylae I soos in Eksamenprosedurehandleiding van 2010), elke dag wat die Skynet-verteenwoordiger kom afhaal.
- Bevestiging van finale Kollektering (Bylae J soos in Eksamenprosedure-handleiding van 2010), wat deurgefaks moet word wanneer die Skynet-verteenwoordiger die finale pakke skrifte by die sentrum afhaal.
|
| 4.2 |
Onmiddellik na die beëindiging van elke sessie moet die skrifte van die betrokke sessie in bondels verpak word volgens die punteblad/-blaaie en verseël word in 'n grys plastieksak. (Bondels van verskillende vakke mag in dieselfde sak gesit word). Die kleiner verseëlde sessie-sakke moet almal saam in 'n groter sak gesit word om die getal sakke/pakkette per besending tot die minimum te beperk.
Onder geen omstandighede mag plastieksakke wat skrifte bevat, teruggehou word op dae wat Skynet eksamenskrifte afhaal nie. Alle skrifte in u besit moet aan die koeriers oorhandig word as hulle kom.
|
| 4.3 |
Nadat die Skynet-verteenwoordiger die pakke skrifte opgelaai het, sal 'n afskrif van die versendingsbrief aan u oorhandig word. Die hoofopsiener moet hierdie afskrif saam met die betrokke puntebladkontrolelyste liasseer vir rekord doeleindes. |
| 4.4 |
Onder geen omstandighede mag die Nasionale Senior Sertifikaat-geleibriewe vir enigiets anders gebruik word as vir die terugsending van eksamenverwante dokumente nie. Alle ongebruikte geleibriewe moet aan die Direktoraat: Eksamenadministrasie terugbesorg word saam met die finale pakke skrifte. |
| 5. |
Prinsipale en sentrumbestuurders waar eksamens geskryf word tot en met 24 Junie 2011, moet seker maak dat al die eksamenskrifte deur die koerier afgehaal is teen 14:00 op 27 Junie 2011.
Indien daar skrifte is wat nie afgehaal is nie, moet mnr Dean Pretorius van die Direktoraat: Eksamenadministrasie ONMIDDELLIK daarvan in kennis gestel word (tel. 021 467 9330 of
084 676 7451).
|
| 6. |
Om te verseker dat die proses ordelik verloop, word hoofde van inrigtings versoek om die nodige reëlings te tref vir die veilige bewaring van vraestelle en antwoordskrifte. Hulle moet ook sorg dat elke hoofopsiener 'n afskrif van hierdie minuut ontvang. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:04:28
|
 |