| 1. |
Aansoeke word ingewag van onderwysers, kurrikulumadviseurs en senior kurrikulumbeplanners wat graag as interne moderatore, hoofnasieners, adjunkhoofnasieners en nasieners wil dien vir die Nasionale Senior Sertifikaat-eksamen (NSS-eksamen) van November 2011 en, waar van toepassing, vir die aanvullende eksamens van Maart 2012. Beamptes wat aangestel is en nagesien het in Desember 2010 hoef nie aansoek te doen om die bogenoemde betrekkings nie, aangesien die 2010 aanstellings hersien sal word ingevolge die kriteria van toepassing op die aanstelling van nasieners vir 2011. Die lys van NSS-vakke en vraestelle is aangeheg as Bylae A. |
| 2. |
Kriteria vir die aanstelling as hoofnasieners, adjunkhoofnasieners en interne moderatore
|
| 2.1 |
Alle aansoekers moet in besit wees van 'n erkende driejaar na-Senior Sertifikaat- kwalifikasie, wat die betrokke vak moet insluit ten minste op tweedejaarvlak, maar verkieslik op derdejaarvlak. |
| 2.2 |
Aansoekers om die betrekking van interne moderatore en hoofnasieners moet 'n minimum van 8 jaar onderwysondervinding en ten minste 5 jaar ondervinding in die onderrig van die betrokke vak op graad 12-vlak hê. |
| 2.3 |
Aansoekers om die betrekking van adjunkhoofnasiener moet ten minste 5 jaar ervaring as 'n nasiener en 'n minimum van 2 jaar ervaring as 'n senior nasiener hê in die vak waarvoor aansoek gedoen word. |
| 2.4 |
Alle aansoekers moes ook die vak op 'n voltydse basis onderrig het vir ten minste twee van die volgende jare: 2009, 2010 en 2011. Voorkeur sal verleen word aan onderwysers wat tans die Nasionale Kurrikulumverklaring aan graad 12-kandidate onderrig. |
| 2.5 |
In die geval van hoofnasieners is ervaring as 'n moderator of hoofnasiener of adjunkhoofnasiener in vorige jare 'n vereiste. |
| 2.6 |
In die geval van moderatore is ervaring as 'n moderator of hoofnasiener in vorige jare 'n vereiste. |
| 3. |
Kriteria vir die aanstelling van nasieners
|
| 3.1 |
Alle aansoekers moet in besit wees van 'n erkende driejarige na-Senior Sertifikaat-kwalifikasie wat die betrokke vak op ten minste tweedejaarvlak, maar verkieslik derdejaarvlak moet insluit. |
| 3.2 |
Aansoekers moet oor 'n minimum van twee jaar onderwyservaring in die onderrig van die betrokke vak op graad 12-vlak beskik. Hulle moes ook die vak op 'n voltydse basis onderrig het vir ten minste twee van die volgende jare: 2009, 2010 en 2011. Voorkeur sal egter gegee word aan onderwysers wat tans die Nasionale Kurrikulumverklaring aan graad 12-kandidate onderrig. |
| 4. |
Algemene kriteria van toepassing op alle aansoekers |
| 4.1 |
Aansoekers moet voltyds in diens wees by 'n inrigting wat kandidate voorberei op die NSS-eksamen wat opgestel word deur die Departement van Basiese Onderwys, en geadministreer word deur die Wes-Kaap Onderwysdepartement (WKOD). |
| 4.2 |
Om 'n hoë standaard van nasienwerk te verseker en te verhoed dat onbevoegde nasieners aangestel word, sal die WKOD die aanstelling van slegs daardie applikante oorweeg wie se skool 'n slaagsyfer van ten minste 70% in die vak waarvoor aansoek gedoen word, behaal het. |
| 4.3 |
Alle aansoekers, met inbegrip van kurrikulumadviseurs en senior kurrikulumbeplanners sal onderwerp word aan 'n bevoegdheidstoets in die vak waarvoor aansoek gedoen word. |
| 4.4 |
Aansoekers wat aansoek doen om Vraestel 2 (Letterkunde) in tale na te sien, moes al die voorgeskrewe werke vir die eksamen gelees en bestudeer het, en nie slegs daardie boeke wat deur die kandidate by hulle eie skool bestudeer is nie. |
| 4.5 |
Aansoekers wat aangedui het dat hulle van plan is om te bedank of af te tree en wat hulle dienste by die WKOD teen 30 September 2011 gaan beëindig, sal nie oorweeg word vir aanstelling as 'n moderator, hoofnasiener, adjunkhoofnasiener of nasiener nie, behalwe in gevalle waar die onderwyser voltyds aangestel is by 'n onafhanklike skool en die betrokke vak onderrig. |
| 4.6 |
Iemand wat met verlof is tydens die periode wat die nasienperiode voorafgaan en insluit, se aanstelling as moderator, hoofnasiener, adjunkhoofnasiener of nasiener sal beëindig word. Iemand wat teen die einde van die jaar vir meer as 50 dae met verlof was se aanstelling sal ook beëindig word. Dit is op alle soorte verlof van toepassing. |
| 4.7 |
Persone wat aansoek wil doen om 'n betrekking as interne moderator, hoofnasiener of adjunkhoofnasiener, maar 'n familielid (bv. seun, dogter, broer of suster) het wat 'n kandidaat vir die 2010 NSS-eksamen is in die vak waarvoor aansoek gedoen word, kwalifiseer nie vir aanstelling in sodanige betrekking nie. Sulke persone mag egter aansoek doen om die betrekking van nasiener in daardie vak. |
| 4.8 |
Persone wat aansoek wil doen om 'n betrekking as interne moderator, hoofnasiener of adjunkhoofnasiener, maar by wie 'n kandidaat vir die 2011 NSS-eksamen woon wat die betrokke vak waarvoor hulle wil aansoek doen, gaan skryf, kwalifiseer nie vir aanstelling in sodanige betrekking nie. |
| 4.9 |
Die WKOD sal die aanstelling van enige persoon wat nie bevredigend presteer in die uitvoering van sy of haar verantwoordelikhede tydens enige van die bogenoemde nasienperiodes nie, beëindig. |
| 4.10 |
Die finale besluit oor die aanstelling van interne moderatore, hoofnasieners, adjunkhoofnasieners en nasieners berus by die Superintendent-Generaal van Onderwys. |
| 5. |
Hoofde van inrigtings word vriendelik versoek om onderwysers wat aan die bogenoemde vereistes voldoen, aan te moedig om aansoek te doen om die poste van hoofnasieners, adjunkhoofnasieners of interne moderators. |
| 6. |
Die Departement sal een interne moderator, een hoofnasiener en een adjunkhoofnasiener aanstel in elke vak met 'n groot getal kandidate. |
| 7. |
Voorlegging van aansoeke |
| 7.1 |
Alle aansoeke moet op die aangehegte aansoekvorm (Bylae B) gedoen word en moet van die volgende vergesel word:
- 'n Begeleidende brief waarin die aansoeker verduidelik hoekom hy of sy vir die pos aansoek doen.
- 'n Voltooide verklaringsvorm waarvan 'n afskrif aangeheg is aan hierdie minuut as Bylae C.
|
| 7.2 |
Alle nuwe aansoekers moet die volgende dokumente aanheg by hulle aansoekvorms:
- Curriculum vitae
- Gewaarmerkte afskrif van identiteitsdokument
- Gesertifiseerde afskrif(te) van akademiese studierekord(s)
- Gewaarmerkte afskrif(te) van kwalifikasiesertifikaat/-sertifikate
|
| 7.3 |
Aansoeke moet by die volgende adres ingedien word:
Onderwyshoof
Vir aandag: Mnr M Cameron
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD
8001
Aansoeke moet die WKOD bereik teen 6 Mei 2011. Indien u enige navrae het, kontak asseblief mnr M Cameron by tel. 021 467 2964 of mnr N Riddles by tel.no. 021 467 2992.
|
| 8. |
Suksesvolle aansoekers sal skriftelik van hulle aanstellings verwittig word en sal 'n kontrak met die WKOD moet sluit. Verdere korrespondensie aangaande die nasienproses sal dan volg. |
| 9. |
Reëlings vir die nasienperiode
|
| 9.1 |
Alle nasienwerk sal gedoen word by 'n sentrum of sentrums naby Kaapstad, soos bepaal deur die WKOD. |
| 9.2 |
Die datums van die nasienperiode sal later bevestig word. Nasieners moet seker maak dat al hulle skoolverwante nasienwerk en administratiewe take afgehandel is voor die begin van die nasienwerk. |
| 9.3 |
Daar sal van nasieners verwag word om vir ten minste 8 uur per dag vraestelle na te sien. Dit sluit tye uit wat vir maaltye en teepouses eenkant gesit is. Die nasiensentrum sal daagliks oop wees vir nasienwerk vanaf 06:00 tot 22:00. |
| 10. |
Die nasientarief vir elke vraestel sal beskikbaar gestel word sodra dit van die Departement van Basiese Onderwys ontvang is. |
| 11. |
Die nasien van NSS-eksamenskrifte is een van die belangrikste funksies van die eksamineringsproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel, moet dus in goedertrou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal ingevolge die Wet op die Indiensneming van Opvoeders opgetree word. |
| 12. |
Dit is uiters belangrik dat prinsipale, onderwysdistriksdirekteure, IBB-adviseurs en kurrikulumadviseurs die inhoud van hierdie minuut onder die aandag bring van alle onderwysers, sodat hulle bekend sal wees met die aanstellingskriteria voordat aansoeke ingedien word. Die Direktoraat: Eksamenadministrasie kan nie enige verantwoordelikheid aanvaar indien onderwysers nie van die inhoud van hierdie minuut ingelig word nie. |
| 13. |
Die aangehegte ontvangserkenning van hierdie minuut (Bylae D) moet voltooi word deur die skoolhoof en aan die WKOD terugbesorg word. |
| 14. |
Die WKOD maak staat op u samewerking en ondersteuning in hierdie belangrike saak. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:04:15
|
 |