1. In 'n poging om doeltreffende onderwys en leer in die klaskamer te steun, het die Wes-Kaap Onderwysdepartement (WKOD) 'n "Study and Master" Gesyferdheidhandboek en onderwysersgids aan alle graad 2- en 3-leerders en onderwysers in openbare primêre skole voorsien.
2. Die onderwysersgidse en handboeke is uitgereik in die skool se taal van leer en onderrig.
3. Elke skool se Grondslagfase-bestuurspan moet seker maak dat die Gesyferdheidhandboeke daagliks gebruik word vir onderrigtyd en huiswerkdoeleindes.
4. Die handboeke moet gebruik word saam met die WKOD se werkskedules, die werk boeke en lesplanne van die nasionale Departement van Basiese Onderwys.
5. Die handboeke moet versigtig hanteer word en in die skool se inventaris opgeneem word.
6. Die aangehegte Bylae A verskaf riglyne oor hoe om die handboeke te gebruik. Hierdie riglyne sal ook op die WKOD se webtuiste by http//curriculum.wcape.schools.za verskyn.
7. VKO- en GF-kurrikulumadviseurs sal bystand verleen aan onderwysers met die gebruik van hierdie boeke, sou skole dit benodig.
8. Prinsipale word versoek om die inhoud van hierdie minuut onder die aandag van die skoolbestuurspan en die betrokke onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:04:28

Bylae A: Riglyne vir onderwysers oor hoe om die gesyferdheidhandboeke te gebruik vir doeltreffende onderrig en leer
(grootte: 15 KB)