1. INLEIDING
1.1 Die Wes-Kaap Onderwysdepartement (WKOD) kondig met genoë aan dat u skool gekies is deur u Onderwysdistrikskantoor om aan te sluit by Fase 2 en 3 van die WKOD se Geletterdheid- en Gesyferdheidsintervensie.
1.2 Die intervensie is gemik op:

  1. die verbetering van alle leerders in graad 1 tot 6 se prestasie in Geletterdheid en Gesyferdheid
  2. die verbetering van onderwyspraktyke en metodologieë en
  3. die verskaffing van leer- en onderrigondersteuningsmateriaal (LOOM) om die onderrig van Geletterdheid en Gesyferdheid te verbeter.
1.3 Die intervensie sal as volg oor 'n tydperk van 8 jaar ingefaseer word:

Fase 1 (2009 - 2010): 250 skole
Fase 2 (2011 - 2012): 258 skole
Fase 3 (2013 - 2014): 250 skole
Fase 4 (2015 - 2016): 300 skole
1.4 Die intervensie sal behels 'n terug-na-grondslag-benadering aangevul deur die nuutste onderwysmetodologieë in Geletterdheid en Gesyferdheid.
1.5 Onderwysers in hierdie grade sal intensiewe Geletterdheid- en Gesyferdheidopleiding kry, onderrigleiding en ondersteuning vir 2 jaar, en LOOM, soos leesskemas en wiskundestelle om hulle onderrig mee aan te vul.
1.6 Vir hierdie doel is 250 skole in Fase 1 alreeds opgelei in Geletterdheid sowel as Gesyferdheid en sal die intervensie teen die einde van Junie 2011 afgehandel wees. Hierdie skole sal nou voortgesette ondersteuning ontvang van hulle distrikskantore.

2. VOORSIENING VAN LEESSKEMAS VIR GRAAD 1 - 6
2.1 Die leesmateriaal, wat versigtig gekies is, sal alle onderwysers help om lees doeltreffend te onderrig vanaf graad 1 tot graad 6. Elke leerder sal die nodige hulpbronne hê om te leer om te lees, om te lees om te leer en om vir genot te lees.
2.2 Prinsipale word versoek om seker te maak dat die leesmateriaal wat aan hulle skole voorsien sal word op die skool se voorraadregister aangeteken word, gebruik en bestuur word met sorg en dat alle leesboeke van leerders teruggekry word op die gepaste tye. Gereelde bestekopnames is noodsaaklik en die herstel en vervanging van beskadigde materiaal sal die verantwoordelikheid van die skool wees.
2.3 Die leesboeke sal as volg versprei word:

Skool se TLO Leesskema vir Huistaal Uitgewer Graad
Engels Oxford Reading Tree
Oxford Tree Tops		 Oxford University Press
Oxford University Press		 1 - 3
4 - 6
Afrikaans Storieboom
Stamstories		 Oxford University Press
Oxford University Press		 1 - 3
4 - 6
Xhosa Sigalelekile Nasou Via Afrika 1 - 3
Xhosa & Engels Stars of Africa Maskew Miller Longman 4 - 6
Skool se TLO Leesskema vir Eerste Addisionele Taal Uitgewer Graad
Xhosa 'Talking Stories'
Lesers is Leiers		 Macmillan 1 - 3
2.4 Elke klas sal een pak materiaal ontvang volgens die graad en Taal van Leer en Onderrig (TLO). Multigraadklasse sal een pak ontvang vir elkeen van die grade in die klas.
2.5 Die pakke se inhoud is soos volg:

  • Grondslagfasepak: Groot boeke (Graad 1 en 2), gegradeerde leesboeke vir elke graad, sinstrokies, woordkaarte vir onderwysers en leerders, woordeskatlyste, riglyne vir die onderwyser oor die gebruik van die leesskema, en 'n inventaris.
  • Intermediêre Fasepak: Groot boeke (Graad 1 en 2), gegradeerde leesboeke vir elke graad, sinstrokies, woordkaarte vir onderwysers en leerders, woordeskatlyste, riglyne vir die onderwyser oor die gebruik van die leesskema, en 'n inventaris.

Die riglyne vir die onderwyser oor die gebruik van die materiaal sal ook op die WKOD se webtuiste verskyn. Daarbenewens verskaf die aangehegte Bylae A bruikbare advies oor hoe om die leesboeke vir doeltreffende onderrig te gebruik.

Die inventaris moet gebruik word om die inhoud van elke pak by die ontvangs daarvan te verifieer.
2.6 Terwyl aflewering in die eerste kwartaal van 2011 sal plaasvind, sal die opleiding en ondersteuningsaspekte van die intervensie op 'n later datum geskied. Besonderhede sal in 'n ander WKOD-minuut volg.
2.7 Alles moontlik moet gedoen word om te verseker dat die leesskemas onbeskadig en in goeie toestand sal wees wanneer die opleiding en ondersteuning oor 'n jaar of twee begin. Kurrikulumadviseurs sal in staat wees om bystand te verleen in die tussentyd, sou skole dit benodig.

3. Prinsipale word versoek om die inhoud van hierdie minuut onder die aandag van die skoolbestuurspan en die betrokke onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:03:30

Bylae A: Riglyne vir onderwysers oor die gebruik van die leesskema vir doeltreffende onderrig van geletterdheid  (grootte: 14 KB)