1. Die Wes-Kaap Onderwysdepartement (WKOD) sal boeke verskaf aan alle Xhosa- en Afrikaans-medium skole wat betrokke is by Fase 1 van die Geletterdheid/Gesyferdheidsintervensie.
2. Elke onderwyser/klaskamer sal voorsien word van 'n seleksie boeke (fiksie en nie-fiksie), wat soos volg oor die grade versprei is:

Graad 1 = 30 boeke per klas
Graad 2 = 30 boeke per klas
Graad 3 = 20 boeke per klas
Graad 4 = 23 boeke per klas
Graad 5 = 22 boeke per klas
Graad 6 = 26 boeke per klas

3. Elke pak sal 'n lys van titels bevat, sowel as wenke wat onderwysers kan help om die boeke doeltreffend in die klaskamer te gebruik. By ontvangs van die besending moet die inhoud versigtig gekontroleer word, elke boek met die skoolstempel gestempel word en die boeke in die skool se inventaris aangeteken word.
4. Die boeke word verskaf met die oog op die bevordering van die gebruik van Engels as 'n tweede taal deur te lees vir genot. Dit beteken dat hierdie boeke in die leeshalfuur gebruik kan word, tydens storietyd en om tuis te lees.
5. Hierdie boeke vervang nie die klasleser nie, maar dien as 'n uitbreiding van die leeswerk wat in die klaskamer plaasvind. Die boeke moet goed opgepas word. Die herstel en vervanging van hierdie boeke sal die verantwoordelikheid van die skool wees, aangesien geen boeke deur die WKOD vervang sal word vir die volgende 3 tot 5 jaar nie.
6. Prinsipale moet verseker dat 'n inventaris gehou word van al die hulpbronne wat deur die WKOD verskaf word en dat 'n streng herwinningstelsel in plek is.
7. Terwyl voorraad vanaf Februarie 2011 afgelewer sal word, sal onderwyserondersteuning t.o.v. die gebruik van die boeke later verskaf word. Besonderhede hiervan sal volg. In die tussentyd, verwys asseblief na die aangehegte Bylae A vir voorstelle oor hoe om vir genot te lees in die klaskamer.
8. Indien skole verdere ondersteuning benodig, sal die VKO/GF-kurrikulumadviseurs kan help.
9. Prinsipale word vriendelik versoek om die inhoud van hierdie minuut onder die aandag van alle onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:03:30

Bylae A: Voorstelle oor hoe om doeltreffende lees-vir-genot in die klaskamer aan te bied  (grootte: 11 KB)