1. Die Wes-Kaap Onderwysdepartement (WKOD) sal boeke verskaf aan alle Xhosa- en Afrikaans-medium skole wat betrokke is by Fase 1 van die Geletterdheid/Gesyferdheidintervensie.
2. Elke onderwyser/klaskamer van graad 1 tot 6 sal van 'n wiskundestel voorsien word. Dit sal 'n verskeidenheid manipulasies bevat wat geskik is vir Wiskunde-onderrig.
3. By ontvangs van die goedere, moet die inhoud versigtig nagegaan word, gestempel, en in die skool se inventaris opgeteken word.
4. Onderwysers en leerders word aangemoedig om hulleself vertroud te maak met die inhoud van hierdie stelle en dit te gebruik om die onderrig van Wiskunde te bevorder.
5. Die aangehegte Bylae A bevat 'n lys van die inhoud van elke stel wat verskaf is vir die Grondslag- en Intermediêre Fase.
6. Prinsipale moet seker maak dat 'n inventaris gehou word van al die bronne wat deur die WKOD verskaf is en dat 'n streng herwinningsbeleid gevolg word.
7. Skole word versoek om seker te maak dat die wiskundestelle met sorg gebruik en bestuur word, aangesien niks vir die volgende 3 tot 5 jaar vervang sal word nie. Die herstel en vervanging van beskadigde komponente sal die verantwoordelikheid van die skool wees.
8. Terwyl aflewering sal geskied vanaf Februarie 2011 verder aan, sal bystand aan onderwysers met die gebruik van hierdie stelle verskaf word wanneer opleiers van die Wiskundesentrum en/of distriksbeamptes by skole besoek aflê. Daar word verwag dat die stelle onbeskadig en in goeie toestand sal wees wanneer die bystand verleen word.
9. Prinsipale word vriendelik versoek om die inhoud van hierdie minuut onder die aandag van die betrokke skoolbestuurspan en onderwysers te bring.


GETEKEN: SM NAICKER
HOOFDIREKTEUR: KURRIKULUMONTWIKKELING
DATUM: 2011:03:31