1. Soos u bewus is, is u skool gekeur deur u onderwysdistrikskantoor as een van 258 skole wat gaan deelneem aan die Fase 2-bekendstelling van die Geletterdheid/Gesyferdheidintervensie in die hele provinsie.

2. Sover is omvattende inligtingsessies in alle distrikte gehou (Metro-Suid is geskeduleer vir die tweede kwartaal), wat distriksbeamptes en skoolbestuurspanne bewus gemaak het van die omvang en voordele van die Geletterdheid-/Gesyferdheidintervensie.

3. Hierdie minuut is bedoel om alle Fase 2-skole in te lig dat diepgaande opleiding in Geletterdheid en Gesyferdheid aangebied sal word vir alle graad 1 tot 6-onderwysers wat onderrig gee in Geletterdheid/Taal of Gesyferdheid/Wiskunde tydens Junie-Julie 2011. Skole word dus versoek om voorlopig die opleidingsdatums wat aan hulle onderskeie skole toegeken is, te reserveer. (Sien opleidingskedule aangeheg as Bylae A.) Opleiding sal plaasvind oor 5 dae, van 08:00 tot 16:30 elke dag. Vergaderplekke en ander opleidingsbesonderhede sal binnekort bevestig word in 'n opvolgbrief aan al die betrokke skole.

4. Skoolhoofde sal gevra word om die name van al die onderwysers wat die opleiding sal bywoon te verskaf, en om die volgende in gedagte te hou:
4.1 skole wat gekies is as Geletterdheidskole moet 'n lys opstel van alle Grondslagfase-onderwysers (Graad 1 tot 3) en alle Taal Intermediêre Fase-onderwysers (graad 4 tot 6)
4.2 skole wat gekies is as Gesyferdheidskole moet 'n lys opstel van alle Grondslagfase-onderwysers (graad 1 tot 3) en alleenlik daardie Intermediêre Fase-onderwysers (graad 4 tot 6) wat Wiskunde onderrig.

5. Prinsipale word ook versoek om die aangehegte registrasievorm (Bylae B) te voltooi en terug te besorg teen Donderdag, 21 April 2011, na die betrokke distrikskoördineerder vir AOO hieronder:

Distrik AOO koördineerder Tel.no. E-posadres faksno.
Metro-Sentraal Avrille Morgendal 021 673 1312 amorgendal@pgwc.gov.za 021 671 1318
Metro-Noord Geoffrey Figaji 021 938 3000 gfigaji@pgwc.gov.za 021 938 3184
Metro-Suid Fadli Wagiet 021 370 2041 fwagiet@pgwc.gov.za 021 372 1856
Metro-Oos Ursula Esau 021 900 7051 uesau@pgwc.gov.za 086 556 9519
Weskus Ebrahim Peck 021 860 1569 epeck@pgwc.gov.za 021 872 5394
Overberg Edgar Johannes 028 214 7359 eajohann@pgwc.gov.za 028 214 7400
Kaapse Wynland Malefo Makena 023 348 0605 mmakena@pgwc.gov.za 086 657 7632
Eden & Sentrale Karoo Seymour Bothman 044 803 8326 sbothman@pgwc.gov.za 086 555 3085

6. Indien u enige verdere navrae het, kontak gerus u distrikskoördineerder vir AOO.

7. Die WKOD sien daarna uit dat u skool sal deelneem aan die Geletterdheid/Gesyferdheidsintervensie as 'n positiewe respons op die uitdaging wat ons in die gesig staar om die vlakke van geletterdheid en gesyferdheid te verbeter sodat verseker kan word dat alle leerders in staat sal wees om te lees, skryf en reken op die verwagte vlakke.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:03:30


Geletterdheid
Bylae A: "Venues and schools for literacy / languages training"  (grootte: 15 KB)
Bylae B: "Registration for literacy / language training"  (grootte: 17 KB)

Gesyferdheid
Bylae A: "Venues and schools for numeracy / mathematics training"  (grootte: 15 KB)
Bylae B: "Registration for numeracy / mathematics training"  (grootte: 17 KB)