1. Die Wes-Kaap Onderwysdepartement het 'n geillustreerde handleiding saamgestel om onderwysers te help om goeie lesse in Liggaamsopvoeding aan te bied. Die handleiding kom met 'n volledige stel lesplanne vir graad 1 tot 9 en 'n DVD wat 'n visuele demonstrasie van onderrigmetodologie bied wat in Liggaamsopvoeding gebruik word.

2. Elke skool sal 'n stel van die Liggaamsopvoeding-onderrigmateriaal ontvang. Dit is bedoel om gekopieer en versprei te word onder onderwysers van graad 1 tot 9.

3. Hoe die materiaal gebruik moet word
3.1 Die handleiding bevat ouderdomsgepaste aktiwiteite vir graad 1 tot 9. Onderwysers kan hierdie aktiwiteite gebruik om hulle Liggaamsopvoedingprogramme te beplan.
3.2 Die handleiding bevat illustrasies van die aanbevole bewegingsaktiwiteite. Onderwysers kan die illustrasies afdruk en vergroot, en dan gebruik om leerders die verskillende beginposisies, liggaamsposisies en terminologie te leer wat in Liggaamsopvoeding gebruik word.
3.3 Die handleiding bevat 'n afdeling oor die teorie waarop Liggaamsopvoeding gebaseer is. Onderwysers met geen opleiding in Liggaamsopvoeding word aangeraai om die afdelings te bestudeer wat handel oor die beginsels van oefening en voorsorgmaatreëls wat getref moet word om besering van leerders te voorkom.
3.4 Onderwysers wat geen opleiding in Liggaamsopvoeding het nie, sal opgelei word tydens die bekendstelling van die Nasionale Kurrikulum- en Assesseringsbeleidsverklarings met ingang van 2012.
3.5 Die handleiding bevat lesprogramme van 40 weke elk vir graad 1 tot 9. Dit moet gesien word as riglyne vir interessante en verskillende programme, met idees vir aktiwiteite per week, kwartaal en jaar. Onderwysers kan hierdie programme gebruik as basis vir hulle eie Liggaamsopvoedingprogramme en dit aanpas om by hulle onderwysomstandighede in te skakel.
3.6 Die meegaande DVD verskaf 'n verskeidenheid onderrigmetodologieë en behandel ook die uitdagings wat onderwysers in die gesig staar in Liggaamsopvoedingklasse.

4. Prinsipale word versoek om die inhoud van hierdie minuut onder die aandag van alle onderwysers wat Liggaamsopvoeding aanbied te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM EN ASSESSERINGBESTUUR
DATUM: 2011:02:28


Die dokumente, waarna verwys word in die Minuut, is aan skole gestuur.