1. Die Wes-Kaap Onderwysdepartement (WKOD), in samewerking met 'n skenker, beoog om 'n kompetisie uit te skryf wat jongmense sal inspireer om te lees vir genot.
2. Onderwysers het 6 leerders gekies van elk van hulle graad 6-klasse om as projekleiers te dien vir die Leesinspirasieprojek. Daar word voorgestel dat die onderwyser eers aan die klas vra wie vir die kompetisie wil inskryf en dan leerders sal kies wat oor die beste leesvermoëns beskik. Die onderwyser sou egter een of twee leerders kon kies wat nie so goed lees nie en dan kan die onderwyser hulle met die lees help.
3. Die name van die leerders wat gekies is, moet teen Vrydag, 11 Februarie 2011 by faksno 021 467 9369 aan Mev Lungi Ngondo van die AOO-kurrikulumdirektoraat gestuur word. Wanneer die boeke by die verskillende skole aankom, moet hulle aan hierdie gekose leerders gegee word.
4. Die gekose leerders het 'n sekere aantal dae waarin die hele boek gelees moet word. Dit sal neerkom op die lees van ongeveer 12 bladsye per dag. Na elke leesfase deel die leerder met die hele klas wat hy of sy van die boek dink. Die gekose leerders sal ook 'n opsomming maak van nie meer as 500 woorde nie van wat hulle as die beste deel van die boek beskou, en dit moet vergesel gaan van 'n prent van hulle idee van Libris (die feetjie-eiland). Die opsomming sowel as die prent moet op A4-blaaie gedoen word en saamgekram word. Enige kleur kan gebruik word.
5. Die onderwyser moet na elke fase die taak inneem en dit hou tot al die leesfases en take voltooi is. Al die take moet gestuur word aan die prinsipaal van die skool, wat die beste een sal uitsoek, wat dan weer gestuur moet word na die Kurrikulumkomponent by die betrokke distrikskantoor, wat dit vir beoordeling na die EKOD-hoofkantoor sal aanstuur. Let asseblief daarop dat al 6 projekleiers se inskrywings na die WKOD via die distrikskantoor gestuur moet word, met die skole se beste inskrywing duidelik aangedui en bo-op geplaas.
6. Indien enige addisionele inligting benodig word, kontak asseblief liam@thewhitequill.co.za of die AO-koördineerder by u distrikskantoor.
7. Die volgende pryse sal toegeken word:

Leerder wat 1ste geplaas is - Amazon Kindle koordlose e-boekleser
Onderwyser wat 1ste geplaas is - netboek
Skool wat 1ste geplaas is - Skootrekenaar
8. Belangrike datums

Datum Handeling Datum HANDELING
31 Jan -
10 Feb		 Boeke word aan skole uitgedeel 11 Feb Onderwyser kies 6 leerders en name woprd na WKOD-hoofkantoor gestuur.
14 - 17 Feb Boek gegee aan uitgesoekte leerders. 18 Feb Projekaanbieding
19 Feb -
13 Mrt		 Eerste leesfase - Leerder no. 1 lees die boek. 14 Mrt Leerder projekaanbieding voor klas (Onderwyser neem taak in)
15 Mrt -
17 Apr		 Tweede leesfase - Leerder no. 2 lees die boek. 18 Apr Leerder projekaanbieding voor klas (Onderwyser neem taak in)
19 April -
9 Mei		 Derde leesfase - Leerder No. 3 lees die boek. 10 Mei Leerder projekaanbieding voor klas (Onderwyser neem taak in)
11 - 31 Mei Vierde leesfase - Leerder no. 4 lees die boek. 1 Jun Leerder projekaanbieding voor klas (Onderwyser neem taak in)
2 - 21 Jun Vyfde leesfase - No. 5 lees die boek 22 Jun Leerder projekaanbieding voor klas(Onderwyser neem taak in)
19 Jul -
10 Aug		 Sesde leesfase - Leerder no. 6 lees die boek. 11 Aug Leerder projekaanbieding voor klas (Onderwyser neem taak in) Alle take na prinsipaal
12 Aug Prinsipaal kies die beste projek vir finale beoordeling
15 - 19 Aug Alle inskrywings na distrikskantore 22 - 24
Aug		 Opgetel by distrikskantore
25 Aug -
2 Sep		 Finale beoordeling van inskrywings 8 Sep Internasionale Geletterdheidsdag - Wenners aangekondig


GETEKEN: SM NAICKER
HOOF: ONDERWYS
DATUM: 2011:01:25