| 1. |
Die Departement van Basiese Onderwys (DBO) het 'n diensverskaffer aangestel om Graad 1 - 6 Geletterdheid- en Gesyferdheid-werkboeke vir alle leerders af te lewer. |
| 2. |
Werkboeke sal direk aan skole gelewer word. Aflewering vir die Wes-Kaap het op 17 Januarie begin. |
| 3. |
Hierdie leerderwerkboeke is in al 11 tale gepubliseer en sal afgelewer word volgens die taal, leerderinskrywing en grade in elke skool. Die DBO het die jongste OBIS-data gebruik wat deur die provinsies verskaf is vir sy toekenning aan elke skool. Graad 1 - 3-leerders sal Geletterdheid- en Gesyferdheid-werkboeke ontvang in die huistaal wat by die skool aangebied word, terwyl Gesyferdheidswerkboeke vir graad 4 - 6 in die taal van leer en onderrig van die skool sal verskyn. Daarbenewens word graad 4 - 6-taalwerkboeke in die huistaal van elke skool voorsien. |
| 4. |
'n Inbelsentrum (086 136 3600) is opgestel vir skole om tekorte in die getal werkboeke en/of verkeerde taalweergawes te rapporteer, indien enige. |
| 5. |
Prinsipale word versoek om die meegaande ondersoekvorm (Bylae A) te voltooi en aan hulle kringspanbestuurder te stuur teen 28 Januarie 2011. Hierdie ondersoekvorm vervang die soortgelyke een wat deur die DBO gestuur is. Distrikte sal die inligting van die vorms versamel en die WKOD sal aan die DBO rapporteer. |
| 6. |
Die werkboeke moet gebruik word saam met óf die WKOD-werkskedules óf die DBO-lesplanne, sowel as met handboeke en ander bronne. |
| 7. |
Die werkboeke is verbruikbare items. Leerders moet ook in hulle eie oefeningboeke skryf en hulle Gesyferdheid/Wiskunde-handboeke vir klaswerk en daaglikse huiswerk gebruik. |
GETEKEN: SM NAICKER
HOOF: ONDERWYS
DATUM: 2011:01:24
|
 |