1. Die Wes-Kaap Onderwysdepartement (WKOD) is verbind tot deurlopende ondersteuning en versterking van die onderrig van Natuurwetenskappe in die Intermediêre Fase en graad 7.
2. Die Direktoraat: Kurrikulum AOO kondig met trots aan dat 217 kwintiel 1-skole en ses onderwysdistrikskantore elkeen 'n Natuurwetenskappe-stel in 'n trollie sal ontvang. 'n Lys van ontvangers is aangeheg as BYLAE A en die inhoud van die Natuurwetenskappe-stel is gelys as BYLAE B. Daarbenewens sal elke laai van die Natuurwetenskappe-stel gelamineerde prente bevat van die items en etikette daarby aangeheg, om onderwysers te help om 'n inventaris by te hou.
3. Skoolhoofde en Natuurwetenskappe-vakhoofde moet seker maak dat die korrekte inhoud van die Natuurwetenskappe-stel by hulle skool afgelewer word deur Edutrade, die diensverskaffer.
4. Die Natuurwetenskappe-stelle sal by skole afgelewer word gedurende die periode van 21 November 2011 tot 10 Februarie 2012.
5. Die Natuurwetenskappe-kurrikulumadviseurs en leieronderwysers sal opgelei word in 2012 in die gebruik van die toerusting. Distrikte sal daarna 'n opleidingsprogram vir alle skole wat die Natuurwetenskappe-stelle ontvang het, beplan en uitvoer in 2012. Skole wat nie weet hoe om die toerusting te gebruik nie, moet dit veilig bewaar tot hulle opleiding ontvang het.
6. Die WKOD vertrou dat hierdie Natuurwetenskappe-stelle onderrig en leer sal verbeter deur die bevordering van praktiese werk. Dit is belangrik vir onderwysers om die eksperimente wat deur die KABV vereis word, uit te voer en te verstaan. Om dit moontlik te maak, moet die onderwyser beginsels en prosedures doeltreffend verduidelik. Sodoende word wetenskap prakties, verstaanbaar en verwoordbaar gemaak. Dit sal geleidelik die selfvertroue van onderwysers en leerders ontwikkel, terwyl dit die getal leerders wat beroepe in die Natuurwetenskappe wil volg, sal vermeerder.
7. Navrae kan gerig word aan mej S Rampou by tel. no. 021 467 2237 of by die e-posadres Suanne.Rampou@pgwc.gov.za; of aan mej Zaahida Hartley vir GLOOO by tel. 021 467 9357 of e-posadres Zaahida.Hartley@pgwc.gov.za
8. Prinsipale word vriendelik versoek om die inhoud van hierdie minuut onder GLOOO die aandag van alle Natuurwetenskappe-onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:11:22

"Six (6) districts to receive the natural sciences kit"  (grootte: 30 KB)
Bylae A: "List of recipients"  (grootte: 78 KB)
Bylae B: "Contents in each unit"  (grootte: 102 KB)