| 1. |
Agtergrond
Kurrikulumminuut DCG 0012/2011 het kennis gegee van die plan vir die bekendstelling van die Kurrikulum- en Assesseringsbeleidsverklaring (KABV) in die Grondslagfase.
Hierdie minuut dien as 'n tweede communiqué om skole en onderwysdistrikskantore in te lig van die Wes-Kaap Onderwysdepartement (WKOD) se reëlings vir onderwyseropleiding, sowel as oriënteringsessies vir skoolhoofde en betrokke adjunk-hoofde.
|
| 2.1 |
Datums en tye
Onderwysersopleiding vir alle graad 1 tot 3-Grondslagfaseonderwysers begin op Maandag, 3 Oktober en eindig op Woensdag, 5 Oktober 2011. Opleiding sal elke dag om 08:00 begin en om 16:00 eindig. Registrasie sal plaasvind tussen 07:30 en 08:00 op die eerste dag. Deelnemers moet alle opleidingsessies bywoon vir die 3 dae om seker te maak dat die volle omvang van die inhoud verstaan word.
|
| 2.2 |
Registrasie
Daar word van skole verwag om Grondslagfase- en leerondersteuning- onderwyserteenwoordigheid op Bylae B te registreer. Logistieke sal beplan word ooreenkomstig hierdie inligting. Voltooi asseblief volledig, en besorg dit terug nie later nie as 28 September 2011 aan die AOO-distrikskoördineerder. (Sien besonderhede op Bylae B.)
|
| 2.3 |
Dokumente om saam te bring
Onderwysers word versoek om uitdrukstukke van die KABV-dokumente per vak na die opleidingsessies saam te bring (Huistaal, Eerste Addisionele Taal, Wiskunde en Lewensvaardighede). Ingeval hierdie dokumente nie van die nasionale Departement van Basiese Onderwys ontvang is nie, moet skole die CD gebruik wat die konsep-KABV vir elke vak bevat (wat aan elke skool afgelewer sal word) om 'n drukstuk af te laai en te druk. Genoeg kopieë moet gedruk word om alle onderwysers van 'n skool toe te laat om deel te neem aan die groepwerk.
|
| 2.4.1 |
Elke onderwysdistrikskantoor het opleidingslokale per kring gereël. (Sien Bylae A vir lys van lokale.) Distrikskantore sal elke skool verwittig van sy opleidingslokaal. |
| 2.4.2 |
Oggendverversings en 'n ligte middagete sal by die opleiding verskaf word. |
| 2.5 |
Reis
'n Reistoelaag sal betaal word op die volgende voorwaardes:
- Volle werkswinkelbywoning moet bevestig word.
- Ten minste 40 km per retoerrit moet gereis word per dag (openbare en privaatvervoer)
- Die eis moet nie 180 km per retoerrit per dag oorskry nie. Onderwysers wat meer as 180 km per retoerrit per dag moet reis, mag vir akkommodasie registreer. (sien Bylae B).
Eise sal geassesseer word ooreenkomstig die volgende kriteria:
| Gebruik van eie motor |
Onderwysers moet so ver as moontlik saamreis.
Slegs die bestuurder of eienaar van die voertuig mag vir die kilometerafstand wat gereis is, eis.
Alle passasiers moet gelys word.
'n Standaardtarief van R1.50 per km. sal betaal word. Enjinslagvolume sal nie van toepassing wees nie. |
| Gebruik van gedeelde vervoer in 'n privaat voertuig |
Slegs die bestuurder of eienaar van die voertuig mag vir die kilometerafstand wat gereis is, eis. Alle passasiers moet gelys word. 'n Standaardtarief van R1.50 per km. sal betaal word. Enjinslagvolume sal nie van toepassing wees nie. |
| Die gebruik van gedeelde vervoer in 'n bus of minibus van die skool |
Die skool mag óf sy eie bus gebruik en vir kilometers afgelê 'n eis instel óf 'n voertuig huur volgens die goedkoopste kwotasie en die kontrakteur betaal. Kwotasies moet voorgelê word aan die distrikskoördineerder AOO en moet goedgekeur word voor 'n kontrak aangegaan word. Ingeval 'n voertuig gehuur word, sal die WKOD die skool vergoed by ontvangs van getekende dokumente. Onderwysers moet reël dat die groep op 'n sentrale punt opgelaai word. |
| Gebruik van open-bare vervoer bv. taxi, bus, trein, maar nie'n taxi wat 'n meter in het nie. |
Eise moet die begin- en eindpunt van elke been van die reis aandui. Vergoeding sal plaasvind ooreenkomstig die standaardtariewe. Bewyse (kaartjies) kan versoek word deur die eisebeampte om die eis geldig te maak. |
|
| 2.6 |
Akkommodasie en maaltye
Akkommodasie en maaltye (aandete en ontbyt) sal op die volgende basis verskaf word:
- Die afstand na die opleidingslokaal moet meer as 180 km heen en terug per dag wees.
- Volledige bywoning van opleidingskursus moet bevestig word.
- Aankoms en registerasie vind plaas op 3 Oktober 2011 (Dag 1) tensy anders gespesifiseer deur die distrikskoördineerder vir AOO.
- 'n Geskrewe aansoek om akkommodasie is voorgelê aan die distrikskoördineerder AOO.
- Die aansoek is skriftelik deur die distrikskoördineerder vir AOO goedgekeur.
Soorte akkommodasie wat vir terugbetaling kwalifiseer:
| Koshuisakkommodasie |
Skoolkoshuisakkommodasie is gratis vir onderwysers. Doen asseblief navraag by die AOO-koördineerder of hierdie opsie beskikbaar is. Indien beskikbaar, moet onderwysers akkommodasie bespreek deur die aangehegte registrasiestrokie (Bylae B) in te vul en teen die keerdatum terug te stuur. Koshuisakkommodasie sal geskied d.m.v. gedeelde kamers en onderwysers moet hulle eie beddegoed, handdoeke en toiletware saambring. |
| Geregistreerde gasvryheidsinrigtings, soos bv. bed-en-ontbyt-gastehuise, hotel |
Die volgende voorwaardes sal van toepassing wees:
- Onderwysers moet die aangehegte registrasiestrokie voltooi en (Bylae B) teen die keerdatum terugstuur.
- 'n maksimum van R200 per dag mag geëis word vir aandete, bed en ontbyt.
- 'n Oorspronklike faktuur van die instelling moet medeonderteken word deur die eiser en by die opleidingskursus ingelewer word.
|
| Familie- of privaat akkommodasie |
Die volgende voorwaardes sal van toepassing wees:
- Onderwysers moet die aangehegte registrasiestrokie (Bylae B) voltooi en terugstuur voor die keerdatum.
- 'n maksimum van R130 per dag mag geëis word vir aandete, bed en ontbyt.
- Hierdie eis moet vergesel word van 'n beëdigde verklaring van die familielid of persoon wat die akkommodasie verskaf het, medeonderteken word deur die eiser en by die opleidingskursus ingelewer word.
|
Goedkeuring van die aansoek om akkommodasie moet verkry word (op skrif) van die distrikskoördineerder AOO teen 28 September 2011. Onderwysers wat vir akkommodasie kwalifiseer is daarvoor verantwoordelik om te verseker dat hulle hierdie geskrewe goedkeuring verkry voor hulle bespreek. Geen eis sal betaal word sonder hierdie vooraf goedkeuring van die distrikskoördineerder AOO nie.
|
| 2.7 |
Hoe om te eis
Alle onderwysers wat deur die SBL aangestel word, of wat op kontrak by die WKOD werk, moet die aangehegte Bankbesonderhedevorm (Bylae C) voltooi. Let asseblief daarop dat hierdie vorm gestempel moet word deur die bank en na die werkswinkel gebring word op Dag 1.
Alle eise moet voorgelê word aan die eisebeampte by die opleidingslokaal, saam met al die oorspronklilke dokumentasie ter ondersteuning van die eise. Slegs oorspronklike dokumente mag voorgelê word. Geen fakse of fotokopieë sal aanvaar word nie.
Eisers sal vergoed word alleenlik na voltooiing van die opleidingskursus en sal dus vooraf hulle eie onkoste moet betaal. Waar nodig, word skole vriendelik versoek om hulle onderwysers in hierdie opsig tegemoet te kom. Bewys van betaling moet bewaar en voorgelê word.
Vergoeding sal slegs plaasvind nadat die eis sorgvuldig nagegaan is en die WKOD behou hom die reg voor om die finale besluit te neem waar daar enige ongerymdheid is.
|
| 3. |
Oriëntering van prinsipale en adjunk-prinsipale |
| 3.1 |
Datums en tye
Prinsipale van skole met Grondslagfasegrade moet 'n eendaagse oriënteringswerkswinkel oor die KABV bywoon. Al daardie adjunk-prinsipale wat verantwoordelik is vir die Grondslagfasegrade moet dit ook saam met hulle prinsipaal bywoon. Hierdie werkswinkel sal plaasvind op 6 Oktober 2011 en sal stiptelik om 08:00 begin en om 16:30 eindig.
Registrasie sal plaasvind tussen 07:30 en 08:00. Prinsipale en hulle betrokke adjunk-prinsipale moet die volle dag bywoon om te verseker dat die volle omvang van die inhoud verstaan word.
|
| 3.2 |
Registrasie
Prinsipale en Grondslagfase-adjunk-prinsipale moet vir bywoning op Bylae E registreer en logistieke sal beplan word ooreenkomstig hierdie inligting. Voltooi asseblief die vorm ten volle en stuur terug nie later nie as 28 September 2011 aan die distrikskoördineerder AOO.
|
| 3.3 |
Dokumente wat saamgebring moet word
Prinsipale en adjunk-prinsipale word versoek om uitdrukstukke van die KABV-dokumente per vak (Huistaal, Eerste Addisionele Taal, Wiskunde en Lewensoriëntering) na die oriënteringsessie saam te bring. Ingeval hierdie dokumente nie van die nasionale Departement van Basiese Onderwys ontvang is nie, moet skole die CD gebruik wat die konsep-KABV vir elke vak bevat (wat aan elke skool afgelewer sal word) om drukstukke af te laai en te druk.
|
| 3.4.1 |
Elke onderwysdistrikskantoor het werkswinkellokale gereël, en 'n lys van daardie lokale is aangeheg as Bylae D. Waar daar meer as een lokaal per kring is, sal prinsipale en adjunk-prinsipale deur die distrikskantoor van hulle spesifieke werkswinkellokale ingelig word. |
| 3.4.2 |
Oggendverversings en 'n ligte middagete sal by die opleiding verskaf word. |
| 3.5 |
Reis
Die bepalings en voorwaardes soos uiteengesit in paragraaf 2.5 hierbo, sal van toepassing wees.
|
| 3.6 |
Akkommodasie en maaltye
Waar moontlik sal skoolhostelverblyf verkry word. Waar dit nie moontlik is nie, sal die bepalings en voorwaardes soos uiteengesit in paragraaf 2.6 hierbo, van toepassing wees.
|
| 3.7 |
Hoe om te eis
Die bepalings en voorwaardes soos uiteengesit in paragraaf 2.7 hierbo, sal van toepassing wees.
|
| 4. |
Alle Grondslagfaseonderwysers, skoolbestuurspanne en betrokke beamptes word daaraan herinner dat onderwysers in staat moet wees om die implementering van die KABV in die Grondslagfase vanaf 2012 moet kan instel en/of ondersteun. Hierdie werkswinkels is ontwerp om implementering te bemoontlik en te verseker dat beplanning vir 2012 me KABV in ooreenstemming is. |
| 5. |
Skoolhoofde van primêre skole en distriksdirekteure word vriendelik versoek om hierdie minuut onder die aandag van alle personeel te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:09:12
|
 |