| 1. |
In 2010 het die nasionale Departement van Basiese Onderwys (DBO) die konsep van die nasionale Kurrikulum- en Assesseringsbeleidsverklaring (KABV) vir openbare kommentaar gepubliseer. Daarna het verdere ontwikkeling plaasgevind en die finale KABV word tans geredigeer en voorberei vir die druk en verspreiding daarvan vanaf Augustus 2011. Die DBO het bepaal dat die Grondslagfase (graad R tot 3) die KABV vanaf Januarie 2012 sal implementeer. |
| 2. |
Hierdie minuut dien as 'n eerste amptelike mededeling om skole en onderwysdistrikskantore in te lig aangaande die Wes-Kaap Onderwysdepartement (WKOD) se implementeringsplan vir die KABV in die Grondslagfase (GF). |
| 3. |
Skole en distrikskantore word vriendelik versoek om die datums op die implementeringsplan hieronder vas te maak vir die doel soos aangedui:
| Teikengroep |
Datums |
Doel |
| Hoofde: Kurrikulumkoördinering en -advies, AOO-koördineerders |
29 Julie 2011 |
Beplanning (KABV) |
| Provinsiale Kernopleidingspan |
26 Augustus 2011 |
Beplanning (KABV) |
| Hoofde: Kurrikulumkoördinering en -advies, AOO-koördineerders, VKO & Grondslag-fase-kurrikulumadviseurs , Leerondersteuningsadviseurs |
7 tot 9 September 2011 |
Provinsiale opleiding (KABV) |
| Kringspanbestuurders, IBB-bestuurders, hoofde: IBB-koördinering en -advies |
15 tot 16 September 2011 |
Provinsiale oriëntering (KABV) |
| Alle graad 1 tot 3-onderwysers |
3 tot 5 Oktober 2011 |
Kringgebaseerde opleiding (KABV) |
| Alle prinsipale van skole met GF-grade |
6 Oktober 2011 |
Distriksgebaseerde oriëntering (KABV) |
1 GF KA per kring
1 IF Taal-kurrikulUmadviseur per distrik
2 leieronderwysers per kring |
4 tot 6 November 2011 |
Provinsiale opleiding
(Eerste Addisionale Taal) |
|
| 4. |
Alle onderwysers, skoolbestuurspanne en betrokke beamptes
- moet in staat wees om vanaf 2012 die KABV in die Grondslagfase te implementeer en/of te ondersteun; en
- Moet die 2011 KABV-oriëntering bywoon en seker maak dat hulle beplanning vir 2012 ooreenstem met die KABV.
|
| 5. |
Verdere inligting oor logistieke sake sal verskaf word nader aan die bogenoemde datums. |
| 6. |
Die implementering van die KABV in Graad R |
| 6.1 |
Graad R-onderwysers en praktisyns sal KABV-oriëntering ontvang, afsonderlik van die bogenoemde proses. |
| 6.2 |
Vir hierdie doel is alle VKO Grondslagfaseadviseurs georiënteer en 49 graad R-praktisyns opgelei as leieronderwysers. |
| 6.3 |
Die WKOD is van plan om sistematiese KABV-opleiding te verskaf aan alle graad R-onderwysers en praktisyns in die Departement oor die volgende 3 jaar, om te verseker dat, teen 2014, kurrikulumbeleid en -praktyk in lyn gebring word en dat daar 'n mate van standaardisasie sal wees. |
| 6.4 |
Die eerste groep graad R-onderwysers en praktisyns sal opgelei word in die KABV tussen Junie 2011 en Januarie 2012. Distrikskantore sal hierdie onderwysers en praktisyns selekteer, en die datums, lokale en logistiese reëlings vir die 2011 opleidingsprogram verskaf. |
| 6.5 |
Let asseblief daarop dat alle graad R-onderwysers wat in modelterreine skoolhou by hierdie groep ingesluit sal word. |
| 6.6 |
Skoolhoofde en departementshoofde word ook uitgenooi om deel te neem, sodat 'n algemene begrip van die implementering van die KABV ontwikkel kan word. |
| 7. |
Skoolhoofde en distriksdirekteure word vriendelik versoek om hierdie minuut onder die aandag van alle personeel te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:06:21
|
 |