1. |
Hierdie minuut volg op Kurrikulumminuut DCG 0004/2011, wat die aanvanklike inligting verskaf het aangaande die opleiding wat tydens Fase 2 van die Wes-Kaap Onderwysdepartement (WKOD) se Litnum-intervensie verskaf sal word. Dit verskaf logistieke inligting aan distrikte en skole en moet saamgelees word met Kurrikulumminuut DCG 0004/2011. |
2. |
Skole is ingedeel óf vir Geletterdheid/Tale óf vir Gesyferdheid/Wiskunde in 2011-2012 (Sien Bylae A). |
3. |
Aanvanklike opleiding vind plaas tydens skoolvakansies en aan skole is 'n spesifieke week toegeken om seker te maak dat daar 'n gunstige opleier-deelnemers-verhouding sal wees. Skole word dus vriendelik versoek om te bly by die week wat aan hulle toegeken is. |
4. |
Die opleiding geskied oor 5 dae, van 08:00 tot 16:30 elke dag, behalwe vir die laaste dag, wanneer die program teen 14:00 ten einde sal loop. Van deelnemers word verwag om alle opleidingsessies vir die 5 dae by te woon, om te verseker dat die volle omvang van inhoud, konsep en metodologie begryp word. |
5. |
Prinsipale word daaraan herinner dat alle onderwysers van Gesyferdheid/Wiskunde en Geletterdheid/Tale geregistreer moet word. Logistieke reëlings sal getref word ooreenkomstig die registrasies. |
6. |
Let asseblief daarop dat sommige opleidingslokaalveranderings aangebring is. Alle lokale word nou as volg bevestig:
WEEK 1:27 JUNIE - 1 JULIE |
Onderwysdistrik Metro-Suid Geletterdheid en Gesyferdheid |
KAAPSTAD KOLLEGE, CRAWFORD KAMPUS Tel. 021 696 5133 Kromboomweg Crawford |
Onderwysdistrik Metro-Oos: Geletterdheid |
ONDERWYSDISTRIKSKANTOOR METRO-OOS Tel. 021 900 7000 h.v. Belhar- en Nooiensfonteinweg Kuilsrivier |
Onderwysdistrik Metro-Oos: Gesyferdheid |
FAURE VAARDIGHEIDSKOOL Tel. 021 904 5306 |
WEEK 2:4 JULIE - 8 JULIE |
Onderwysdistrik Metro-Sentraal Geletterdheid en Gesyferdheid |
KAAPSTAD KOLLEGE, CRAWFORD KAMPUS Tel. 021 69 65133 Kromboomweg Crawford |
Onderwysdistrik Weskus Geletterdheid en Gesyferdheid |
BOLAND KOLLEGE PAARL KAMPUS Tel (021) 8723323 Pleinstraat, Paarl Koshuisakkommodasie beskikbaar |
Distrik Eden en Sentrale Karoo Geletterdheid alleenlik |
SUID-KAAP KOLLEGE OUDTSHOORN KAMPUS Tel: 044 272 2119 Koshuisakkommodasie beskikbaar |
Distrik Eden en Sentrale Karoo Gesyferdheid alleenlik |
P W BOTHA KOLLEGE, GEORGE Tel. 004 874 4166 Koshuisakkommodasie beskikbaar |
WEEK 3:11 JULIE - 15 JULIE |
Metro-Noord Distrik Geletterdheid en Gesyferdheid |
KAAPSTAD KOLLEGE, CRAWFORD KAMPUS Tel. 021 696 5133 Kromboomweg Crawford Koshuisakkommodasie beskikbaar |
Onderwysdistrik: Kaapse Wynland Geletterdheid en Gesyferdheid |
BOLAND KOLLEGE WORCESTER KAMPUS Tel. 023 348 6920 Raynierstraat Victoria Park, Worcester Koshuisakkommodasie beskikbaar |
Onderwysdistrik Overberg Geletterdheid en Gesyferdheid |
BOLAND KOLLEGE STELLENBOSCH KAMPUS Tel. 021 887 3027 Van Riebeeckstraat, Stellenbosch Koshuisakkommodasie beskikbaar |
|
7. |
Reis
'n Reistoelaag sal betaal word op die volgende voorwaardes:
- Volledige bywoning van opleidingskursus moet bevestig word.
- Die totale afstand wat gereis is vir die periode van 5 dae moet 100 km oortref, d.w.s. dit moet ten minste 'n 20 km reroerreis elke dag wees.
- Die totale afstand wat vir die 5-dag-periode geëis word, mag nie 700 km oorskrei nie, d.w.s. dit mag nie meer as 140 km retoer per dag wees nie. Deelnemers wat hierdie afstand oorskrei sal nie vir meer as 700 km reisafstand vergoed word nie en word aangeraai om eerder vir akkommodasie te registreer.
Eise sal geassesseer word ooreenkomstig die volgende kriteria:
Gebruik van eie motor |
Onderwysers moet so ver as moontlik vervoer deel. Slegs die bestuurder of eienaar van die voertuig mag vir die kilometerafstand wat gereis is, eis.
Alle passasiers moet gelys word. 'n Standaardtarief van R1.50 per km. sal betaal word. Enjinslagvolume sal nie van toepassing wees nie. |
Gebruik van 'n betaalde saamryklub in 'n privaat motor |
Slegs die bestuurder of eienaar van die voertuig mag vir die kilometerafstand wat gereis is, eis. Hierdie eis moet ondersteun word deur 'n beëdigde verklaring wat die name van al die passasiers verskaf. Dit sal geverifieer word teenoor die bywoningsregister. 'n Standaardtarief van R1.50 per km. sal betaal word. Enjinslagvolume sal nie van toepassing wees nie. |
Gebruik van 'n saamryklub in 'n bus of minibus |
Die skool moet die voertuig huur teen die goedkoopste tarief en moet die kontrakteur betaal. Die WKOD sal die skool vergoed by ontvangs van die getekende dokument. Onderwysers moet reël dat die groep op 'n sentrale punt opgelaai word. |
Gebruik van openbare vervoer, bv. taxi, bus, trein |
Eise moet die begin- en eindpunt van die reis aandui. Vergoeding sal plaasvind ooreenkomstig die standaardtariewe. Bewyse (kaartjies) kan versoek word deur die eisebeampte om die eis geldig te maak. |
|
8. |
Akkommodasie en maaltye
Akkommodasie en maaltye (aandete en ontbyt) sal op die volgende basis verskaf word:
- Die afstand na die opleidingslokaal moet meer as 60 km een rigting per dag wees.
- Volledige bywoning van opleidingskursus moet bevestig word.
- Beskikbaar vanaf die eerste tot die laaste dag van die opleidingskursus, met die opsie om aan te kom tussen 16:00 en 17:00 op die Sondag voor die kursus begin.
- Soorte akkommodasie
Koshuisakkommodasie |
VOO-kollege-koshuisakkommodasie is gereël, sonder enige koste vir onderwysers. Onderwysers moet hierdie akkommodasie bespreek op die aangehegte registrasiestrokie (Bylae B) teen die keerdatum. Koshuisakkommodasie sal geskied d.m.v. gedeelde kamers en onderwysers moet hulle eie beddegoed, handdoeke en toiletware saambring. |
Geregistreerde gasvryheidsinrigtings, soos bv. bed-en-ontbyt-gastehuise, hotel |
Onderwysers wat verkies om nie in die koshuis te bly nie mag in 'n geregistreerde gasvryheidsinrigting oorbly. Die volgende voorwaardes sal van toepassing wees:
- Onderwysers moet die aangehegte registrasiestrokie (Bylae B) voltooi en terugstuur teen die keerdatum.
- 'n Maksimum van R200 per dag mag geëis word vir aandete, bed en ontbyt.
- 'n Oorspronklike faktuur van die instelling moet medeonderteken word deur die eiser en by die opleidingskursus ingelewer word.
|
Familie akkommodasie |
Die volgende voorwaardes is van toepassing op onderwysers wat verkies om by familie oor te bly:
- Onderwysers moet die aangehegte registrasiestrokie voltooi en terugstuur. Voltooi en terugstuur (Bylae B) teen die keerdatum..
- 'n Maksimum van R130 per dag mag geëis word vir aandete, bed en ontbyt.
- Hierdie eis moet vergesel wees van 'n beëdigde verklaring van die betrokke familielid, medeonderteken deur die eiser en moet ingelewer word by die opleidingskursus.
|
|
9. |
Hoe om te eis
Die aangehegte bankbesonderhedevorm moet voltooi word en deur die bank gestempel word. Hierdie vorm moet ingelewer word by die eisebeampte by die opleidingslokaal, saam met alle oorspronklike dokumentasie ter ondersteuning van die eis. Slegs oorspronklike dokumente mag voorgelê word. Geen fakse of fotokopieë sal aanvaar word nie.
Eisers sal slegs na voltooiing van die opleidingskursus vergoed word en sal dus eie uitgawes vooruit moet betaal. Waar nodig, word skole vriendelik versoek om die onderwysers in hierdie opsig tegemoet te kom. Bewys van betaling moet bewaar en ingehandig word.
|
10. |
Vergoeding sal slegs plaasvind nadat die eis sorgvuldig nagegaan is en die WKOD behou hom die reg voor om die finale besluit te neem waar daar enige ongerymdheid is.
|
11. |
Prinsipale moet verseker dat inligting in hierdie minuut aan alle onderwysers oorgedra word en dat alle betrokke registrasiebesonderhede by die distrik se AOO-koördineerder ingelewer word teen nie later nie as Vrydag, 27 Mei 2011. Vir enige verdere navrae kontak gerus die betrokke AOO-koördineerder van die distrik met die volgende kontakbesonderhede:
|
12. |
Die WKOD sien uit na die suksesvolle voltooiing van Fase 2 van die LitNum-Intervensie oor die volgende 2 jaar, en dit ly geen twyfel dat dit daartoe sal bydra dat alle leerders in staat sal wees om op die verwagte vlakke te lees, skryf en reken. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM EN ASSESSERINGSBESTUUR
DATUM: 2011:05:23
|
![](images/shim.gif) |