| 1. |
Siyavula, 'n maatskappy wat spruit uit die Shuttleworth Stigting, het so pas 'n selfoonweergawe van die Siyavula Grades 10, 11 and 12 Mathematics and Physical Science WebBooks bekend gestel. |
| 2. |
Leerders en onderwysers mag hierdie handboeke gratis in PDF-formaat kopieer, aflaai en versprei. Dit beteken dat hulle toegang het tot 'n handboek wat in lyn is met die kurrikulum en wat hulle kan lees op enige WAP-versoenbare selfoon (wat Mxit kan gebruik). |
| 3. |
Leerders en onderwysers kan baat vind deur in besit te wees van:
- 'n kurrikulumgepaste handboek vir hulle huidige graad, waar hulle ookal is;
- 'n addisionele bron van vrae en modelantwoorde;
- toegang tot die vorige jare se handboeke vir hersiening en verwysing; en
- toegang tot die volgende jaar se handboeke vir verryking of vordering.
|
| 4. |
Hierdie handboeke kan besigtig word deur die mobi-tuiste te besoek by m.siyavula.cnx.org (geen 'www' voor die adres nie). |
| 5. |
Prinsipale word versoek om hierdie inligting onder die aandag van onderwysers en leerders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:08:25
|
 |