| 1. |
As deel van ons voortgaande ondersteuning het ons voorbeeldvraestelle vir die September eksamen voorberei en op 'n CD geplaas vir gebruik in skole. |
| 2. |
Die doel van hierdie voorbeelde is om die onderwyser te begelei in die soort vrae wat opgestel moet word, die kognitiewe vlakke wat gedek moet word en die algemene standaard van 'n graad 12-proefeksamenvraestel. Hierdie voorbeelde MAG NIE vir formele eksamendoeleindes gebruik word nie. Onderwysers moet hulle eie interne eksamenvraestelle opstel. |
| 3. |
Die CDs is by die distrikskantore afgelewer wat dit onder alle openbare en onafhanklike hoërskole versprei het. |
| 4. |
Indien u nie 'n CD ontvang het nie, skakel asseblief onmiddellik met die VOO-koördineerder by u distrikskantoor. |
| 5. |
Ons vertrou dat hierdie inisiatief 'n bydrae sal lewer tot onderwyserontwikkeling asook die verbetering van kandidate se prestasie in die finale Senior Sertifikaat-eksamens. |
| 6. |
Bring asseblief die inhoud van hierdie minuut onder die aandag van al u onderwyspersoneel. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:08:26
|
 |