1. Die goedgekeurde Kurrikulum-en-assesseringsbeleidsverklaring (KABV) sal ingefaseer word by alle grade oor die volgende 3 jaar, en begin by graad R tot 3 en graad 10 in Januarie 2012.

2. Kurrikulumontwikkelingsminuut 0002/2011, van 24 Junie 2011, het inligting verskaf oor vordering met die KABV en die oriëntering van skoolhoofde en onderwysers.

3. Die oriëntering van skoolbestuurspanne (SBS'e) en graad 10-onderwysers in die onderwysdistrikte sal 'n aanvang neem tydens die derde kwartaal van 2011.

4. Kurrikulumkoördinering-en-advies-bestuurders in die distrikte het programme opgestel vir die oriëntering en opleiding van SBS'e en graad 10-onderwysers in vakgroepe in elke distrik. Logistieke inligting sal aan skole verskaf word deur die distrikskantore.

5. KABV-oriëntering:
5.1 Dit sal 'n aanvang neem om 15:00 op 'n Vrydag na skool en voortduur tot 17:00 daardie dag. Dit sal voortduur op die Saterdag, vanaf 08:00 tot 17:00.
5.2 Bywoning is verpligtend vir alle onderwysers.

6. Graad 10 vakinhoudopleiding:
6.1 Dit sal geskied gedurende die September skoolvakansie op ten minste twee agter-eenvolgende dae, vanaf 08:00 tot 16:00.
6.2 Onderwysers sal opleiding ontvang in die nuwe graad 10-inhoud van die KABV.

7. Bring asseblief die inhoud van hierdie minuut onder die aandag van al u onderwyspersoneel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGBESTUUR
DATUM: 2011:07:13