1. Die Wes-Kaap Onderwysdepartement het 'n boekie, genaamd Wenke vir Sukses, voorberei vir elkeen van die Wes-Kaap se kandidate vir die Nasionale Senior Sertifikaat (NSS) 2011. Dit sal hulle help met voorbereiding vir die eksamen. Die boekie verskaf studiewenke, eksamenwenke, die eksamenrooster, beursinligting, wenke vir sukses en ander bruikbare inligting.
2. Die bedoeling is dat 'n boekie aan elke graad 12-leerder oorhandig sal word voor die einde van die eerste kwartaal.
3. Behalwe die boekies vir kandidate, sal 'n maksimum van 20 addisionele boekies per skool ingesluit word vir die onderwysers van graad 12-vakke. Die boekies sal teen 25 Maart 2011 deur distriksbeamptes by hoërskole afgelewer word.
4. Die prinsipaal, of 'n gedelegeerde personeellid, sal ontvangs van die boekies moet erken nadat gekontroleer is of die getal boekies wat afgelewer is ooreenstem met die getal graad 12-leerders in die skool, soos aangedui op die meegaande SOBIS-lys. Die persoon wat die boekies in ontvangs neem, moet die volgende inligting op die meegaande vorm verskaf:

  • Sy of haar naam, ID-nommer en handtekening
  • Die naam en adres van die skool
  • Die skoolstempel
  • Die afleweringsdatum
  • Die getal boekies ontvang in Engels en/of Afrikaans vir NSS-kandidate
  • Die getal boekies wat vir graad 12-onderwysers ontvang is

'n Afskrif van die vorm moet deur die skool gehou word en die oorspronklike moet terugbesorg word aan die distrikskantoor vir die aandag van die hoofkurrikulumadviseur.
5. Indien die getal boekies wat by die skool afgelewer is, verkeerd is, skakel asseblief met u distrikskantoor. Oortollige boekies moet aan die distrikskantoor terugbesorg word.
6. Indien hierdie boekies die verlangde effek moet hê om kandidate te help met eksamenvoorbereidings, is dit dringend noodsaaklik dat onderwysers die inhoud van die boekie met hulle graad 12-klasse bespreek en kandidate aanmoedig om dit te lees.
7. Die NSS eksamenvraestelle en -memorandums van vorige jare kan verkry word by http://www.education.gov.za/Examinations/PastExamPapers/tabid/351/Default.aspx.
8. Bring asseblief die inhoud van hierdie minuut onder die aandag van alle lede van u personeel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:03:08

"CEMIS list"  (grootte: 29 KB)
Aflewering van graad 12 - wenke vir sukses-boekies in 2011  (grootte: 24 KB)