| 1. | Met verwysing na VOO-Minuut DCF 0038/2009 wat gestuur is na alle hoërskole wat Fisiese Wetenskappe in 2009 aangebied het. Dit is opgevolg deur 'n kennisgewing wat die sperdatum waarop al hierdie skole hulle vraelyste en inventarisse aanlyn moes voltooi het, verander het na 30 April 2010. |
| 2. | Tans is die aanlyn-vraelyste en inventarisse van 185 hoërskole oningevul of slegs gedeeltelik voltooi. Hierdie situasie belemmer die WKOD se planne om voorraad aan te koop en chemiese afval van sy skole te verwyder. |
| 3. | Daarom moet alle skole van die WKOD wat Fisiese Wetenskappe aanbied se vraelyste en inventarisse aanlyn voltooi wees teen 03 Mei 2011. Skole wat in gebreke bly om hieraan gehoor te gee kan nie in aanmerking kom vir die verwydering van chemiese afval en vir voorraadaankope nie. |
| 4. | Skole moet nie voltooide drukstukke van hulle vraelyste en inventarisse aan Hoofkantoor voorlê nie. |
| 5. | Kurrikulumadviseurs in die onderskeie distrikte is opgelei om bystand te verleen aan hulle skole en moet geskakel word indien hulp benodig word. |
| 6. | Die webadres van die aanlyninventaris van die WKOD is http://cemis.pgwc.gov.za in 'n poging om skole te help met die vaslegging van hulle data aanlyn, het die WKOD 'n Gebruikersgids voorsien. |
| 7. | Voor 'n skool sy data aanlyn kan vaslê, moes dit eers 'n drukstuk van sy inventarisse en vraelys ingevul het. Drukstukke van die inventarisse, vraestelle en Gebruikersgids moet afgelaai word van die nuwe WKOD-webtuiste by http://curriculum-dev.wcape.school.za/.
Nadat jy die webtuiste oopgemaak het, kliek op "Tools" bo regs in die kieslysblok. Plaas jou merker op "Pop-up blocker" wat vertoon word en maak seker dat dit weer afgeskakel word voor jy verder gaan. Plaas dan jou merker op "FET: Further Education and Training". Rol die "pop-up" af en plaas jou merker op "Sciences". Rol na regs en dan af na "Physical Sciences". Kliek op "Physical Science". In die nuwe venster, kliek op "Downloads 1", wat die laaste aandagkol aan die linkerkant is. In die nuwe venster, kliek op die vouer "Circulars". In die nuwe venster, kliek op die item van u keuse, bv. "UserGuideEng". In die nuwe venster, kliek op "Downloads" onderaan die skerm. In die nuwe venster, kliek weer op "Downloads". In die opwipbeeld, kies "Save" en bewaar die dokument op jou harde skyf, bv. in jou Desktop. Moet nie "Open" kies nie. |
| 8. | Bring asseblief die inhoud van hierdie minuut onder die aandag van die onderwysers wat verantwoordelik is vir die Fisiese Wetenskappe se aanlyninventaris by u skool. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGBESTUUR
DATUM: 2011:03:08
