1. Die Wes-Kaap Onderwysdepartement het 'n boekie, genaamd Wenke vir Sukses, voorberei vir elkeen van die Wes-Kaapse kandidate vir die nasionale Senior Sertifikaat (NSS) 2012. Dit sal hulle help met voorbereiding op die eksamen. Die boekie verskaf studiewenke, eksamenwenke, die konsep-eksamenrooster, beursinligting, wenke vir sukses en ander bruikbare inligting.

2. Die bedoeling is dat die boekie aan elke graad 12-leerder geskenk moet word in Januarie 2012.

3. Behalwe die boekies vir kandidate, sal addisionele boekies per skool ingesluit word vir elke onderwysers van graad 12-vakke. Die boekies sal teen 20 Januarie 2012 deur distriksbeamptes by alle hoërskole afgelewer word.

4. Die prinsipaal, of 'n gedelegeerde personeellid, sal ontvangs van die boekies moet erken nadat gekontroleer is dat die getal boekies wat afgelewer is ooreenstem met die meegaande SOBIS-lys. Let daarop dat die getalle geskat is volgens die getal graad 11-leerders in 2011. Die persoon wat die boekies in ontvangs neem, moet die volgende inligting op die vorm wat daarmee saamgaan verskaf:

  • Sy of haar naam en handtekening
  • Die naam en adres van die skool
  • Die skoolstempel
  • Die afleweringsdatum
  • Die getal boekies ontvang in Engels en/of Afrikaans vir NSS-kandidate
  • Die getal boekies wat vir graad 12-onderwysers ontvang is.

Een afskrif van die vorm moet deur die skool gehou word en die oorspronklike moet terugbesorg word aan die distrikskantoor vir die aandag van die hoofkurrikulumadviseur.

5. Indien die getal boekies wat by die skool afgelewer is, verkeerd is, skakel asseblief met u distrikskantoor. Oortollige boekies moet aan die distrikskantoor terugbesorg word.

6. Indien hierdie boekies die verlangde effek moet hê om kandidate te help met hulle eksamenvoorbereidings, is dit dringend noodsaaklik dat onderwysers die inhoud van die boekie met hulle graad 12-klasse bespreek en kandidate aanmoedig om dit te lees en te gebruik.

7. Vorige eksamenvraestelle en nasienmemorandums kan gekry word by http://wced.school.za.

8. Bring asseblief die inhoud van hierdie minuut onder die aandag van alle lede van u personeel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:12:09

Aflewering van Graad 12 - Wenke vir Sukses-boekies in 2012  (grootte: 10 KB)