1. Die Letterkundeondersteuningskomitee (LOK) nooi hiermee alle onderwysers van Afrikaans vir graad 10- en 12-leerders na die 2012-simposium, wat op Saterdag, 25 Februarie 2012 vanaf 08:00 tot 14:00 by die Universiteit van Wes-Kaapland aangebied sal word.
2. Die hoofdoel van die simposium is om die onderrig van letterkunde te ondersteun, maar daar sal ook 'n fokus wees op ander dissiplines, soos skryf en grammatika. Een van die hoogtepunte vir 2012 is die vertoning van die verhoogverwerking van die kortverhaal Baby deur EKM Dido, wat vir Graad 12 Eerste Addisionele Taal voorgeskryf is.
3. Die program sal teen 5 Desember 2011 op die VOO-webtuiste vir Afrikaans, (http://curriculum.wcape.school.za/) beskikbaar wees.
4. Die registrasiegeld vir die 2012-simposium is R130,00 per persoon. Persone wat belangstel, kan hierdie bedrag inbetaal op die ABSA-tjekrekening van die Stigting vir Bemagtiging deur Afrikaans (SBA), rekeningnommer 550145847, takkode 632005. Tjeks moet uitgemaak word aan die Stigting vir Afrikaans. Gebruik asseblief die akroniem "LOK" en die naam van die skool as 'n verwysing wanneer u die deposito betaal. Die SBA sal verantwoordelik wees vir die administratiewe en logistieke reëlings van die LOK-simposium.
5. Voornemende deelnemers moet die registrasievorm wat hierby ingesluit is (Bylae A) voltooi en dit faks, saam met bewys van betaling, aan me Christine Francke van die SBA by faksnommer 086 509 8029 teen nie later nie as 13 Januarie 2012. Ons herinner u daaraan om asseblief die akroniem LOK en die naam van die skool as verwysing te gebruik.
6. Om die organiseerders van die LOK-simposium te help, word onderwysers versoek om by die bogenoemde sperdatum te hou, aangesien geen laat inskrywings aanvaar sal word nie. Die eerste 525 onderwysers wat voor 13 Januarie 2012 registreer, sal gratis kaartjies ontvang om die Baby-vertoning op Vrydag 24 Februarie 2012 in die Kunstekaap by te woon.
7. Let op dat daar in 2012 geen LOK-studiegidse beskikbaar sal wees nie.
8. Bring asseblief die inhoud van hierdie minuut onder die aandag van almal wat betrokke is.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:12:09

Bylae A: Registrasievorm  (grootte: 11 KB)