1. |
Die Wes-Kaap Onderwysdepartement (WKOD) bied gedurende Februarie-Maart 2012 'n hersieningsprogram via die Telematiese program (lesse word via satelliettegnologie uitgesaai) aan om kandidate wat die aanvullende Nasionale Senior Sertifikaat-eksamen (NSS-eksamen) aflê, te help. Die hersieningsprogram begin op 7 Februarie en eindig op 8 Maart 2012. Lesse sal deur ervare Graad 12-onderwysers aangebied word en regstreeks uitgesaai word na 145 geselekteerde skole in die agt onderwysdistrikte van die Wes-Kaap. Die uitsendings sal op weeksdae van 15:00 tot 17:00 en op Sondae van 14:00 tot 18:00 plaasvind. |
2. |
Die NSS-vakke wat aangebied word, is die volgende:
- Wiskunde
- Fisiese Wetenskappe
- Rekeningkunde
- Geografie
- Lewenswetenskappe
- Engels EAT
- Afrikaans HT
|
4. |
Kandidate wat van hierdie geleentheid gebruik wil maak, moet teen 16 Januarie 2012 by die Telematies-toegeruste skool naaste aan hulle woonplek registreer. (Sien Bylae B vir die ligging van hierdie skole.) |
4.1 |
Kandidate kan registreer vir soveel van die bogenoemde vakke as wat hulle wil. |
4.2 |
Die voltooide registrasievorm (Bylae C) moet per hand afgelewer word of gepos word na die skool gekies uit Bylae B, soos in paragraaf 4 aangedui, teen nie later nie as 23 Januarie 2012. |
4.3 |
Kandidate word versoek om die betrokke vraestel(le) wat hulle in Oktober-November 2011 geskryf het asook hulle eie skryfbehoeftes na die lesse saam te bring. |
5. |
Kandidate wat nie toegang het tot enige skool soos in Bylae B genoem word nie, kan ondersteuningslesse op DVD's teen 'n nominale prys van die WKOD aankoop, deur die bestelvorm (Bylae D) te voltooi en dit te faks na EDUMEDIA by 021 685 7421. |
6. |
Prinsipale word versoek om 'n afskrif van die hersieningsrooster en die geskikte vorms aan elke kandidaat wat kwalifiseer vir die Februarie-Maart Aanvullende Eksamen te voorsien op die dag wanneer hulle, hul uitslae by die skool kom afhaal. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:12:03
|
![](images/shim.gif) |