| 1. |
Die Program vir Gehalteverbetering, Ontwikkeling, Ondersteuning en Opheffing (PGOOO/QIDS UP) is 'n inisiatief wat daarop gemik is om bronne te verskaf aan geenskoolgeldskole in nasionale kwintiel 1, 2 en 3 om effektiewe leer en onderrig te bevorder. |
| 2. |
Deur middel van die PGOOO-program het die Wes-Kaap Onderwysdepartement (WKOD) gereël dat elke leerder in die Grondslagfase in Kwintiel 1-skole 'n skoolsak met skryfbehoeftes sal ontvang. |
| 3. |
Hierdie items sal by u skool afgelewer word teen 2 Desember 2011. Die skool word versoek om die sakke veilig te bewaar en uit te deel aan elke leerder in graad 1 tot 3 op die eerste dag van die eerste kwartaal van 2012. Die Wiskunde boek wat vir graad 1 verskaf word, moet ook in die gepaste sakke geplaas word. |
| 4. |
Die skool moet die ingeslote kontrolelys gebruik om te verifieer of die sakke en skryfbehoeftes in die korrekte hoeveelhede en in 'n goeie toestand ontvang is. |
| 5. |
Die kontrolelys moet deur die prinsipaal en 'n distriksbeampte onderteken word en met die skoolstempel gestempel word voor dit aan Hoofkantoor gepos word as bevestiging van die bevredigende voltooiing van aflewering. Pos dit asseblief aan me V Madasi, PGOOO/QIDS UP, (Kamer 540), Wes-Kaap Onderwysdepartement, Grand Central Towers, Privaatsak X9114, Kaapstad, 8000. |
| 6. |
Die gebruik van hierdie bronne sal deur die WKOD gemoniteer en geëvalueer word. |
| 7. |
Vir enige navrae, kontak asseblief die persoon wat in die briefhoof genoem word. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:11:15
|
 |