| 1. |
Die nasionale Departement van Basiese Onderwys (DBO) het geen nuwe letterkundige werke voorgeskryf vir alle amptelike tale op Huistaal, Eerste en Tweede Addisionele Taalvlak vir die interim periode van 2012 tot 2013 nie. Die status quo word gehandhaaf vir hierdie interim periode. |
| 2. |
Raadpleeg asseblief WKOD Omsendminuut 0049/2008, van 8 Desember 2008 wat die voorgeskrewe romans, toneelstukke, en kortverhaal- en poësiebloemlesings vir Huistaal, Eerste en Tweede Addisionele Tale verskaf vir November 2009 tot Maart 2012. Let daarop dat die DBO die voorgeskrewe periode vir hierdie lys verleng het om die interim periode van 2012 tot 2013 te dek.
|
| 3. |
U word ook verwys na WKOD Kurrikulum VOO-minuut DCF 0010/2010, van 19 Oktober 2010, wat die voorgeskrewe lys van gedigte bevat (Huistaal en Eerste Addisionele Taal) en kortverhale (Eerste en Tweede Addisionele Taal) vir 2011 tot 2012. Die nasionale Senior Sertifikaat-eksamens vir die interim periode van 2012 tot 2013 sal gebaseer wees op dieselfde versameling gedigte (Huistaal en Eerste Addisionele Taal) en kortverhale (Eerste en Tweede Addisionele Taal).
|
| 4. |
Die DBO het nie 'n nuwe seleksie van kortverhale vir Afrikatale voorgeskryf vir die interim periode 2012 tot 2013 nie. |
| 5. |
Bring asseblief die bogenoemde inligting onder die aandag van taalonderwysers tot en met graad 12. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:11:10
|
 |