1. In 'n poging om graad 12-leerders wat die Nasionale Senior Sertifikaat-eksamen sal skryf te help, sal die Wes-Kaap Onderwysdepartement (WKOD) deur middel van gemeenskapsradiostasies programme aanbied wat fokus op die voorbereiding vir die eindeksamen.
2. Vakonderwysers en vakkundiges sal 'n reeks praatjies oor die radio uitsaai wat op vakinhoud, eksamentegnieke en studiewenke sal fokus.
3. Die programme sal deur die volgende radiostasies uitgesaai word:

Radiostasie Frekwensie
Bush Radio 89.5 FM
Radio Zibonele 98.2 FM
Radio Weskus 92.3 FM
Radio Eden FM 93.8 FM (George)
87.8 FM (Hessequa)
103.6 FM (Karoo)
Radio KC 107.7 FM
4. Die program van elke stasie word by hierdie minuut aangeheg.
5. Leerders, onderwysers en ouers kan ook vrae met betrekking tot die graad 12-eksamen deur middel van e-pos stel. Die adres vir hierdie doel is matricassist@pgwc.gov.za. Hierdie vrae sal deur die betrokke senior kurrikulumbeplanners en kurrikulumadviseurs beantwoord word.
6. Die Wes-Kaap Onderwysdepartement wens alle graad 12-leerders voorspoed toe met hulle voorbereiding vir die eindeksamen.
7. Bring asseblief die inhoud van hierdie minuut onder die aandag van alle graad 12-onderwysers en leerders.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM EN ASSESSERINGSBESTUUR
DATUM: 2011:09:16

Graad 12 Radioprogramme  (grootte: 11 KB)