1. Die eksamenriglyne vir alle Nasionale Senior Sertifikaat-vakke (NSS-vakke) is in 2009 uitgereik.

2. In 2010 is wysigings aangebring tot die eksamenriglyne vir Wiskunde en Fisiese Wetenskappe, en dit het saamgegaan met Assesseringsbestuursminuut 0006/2010.

3. In reaksie op besware van onderwysers is daar vanjaar 'n paar wysigings aangebring aan die eksamenriglyne vir Ontwerp, Rekenaartoepassingstegnologie, Verbruiker-studies, Musiek en Siviele Tegnologie.

4. Ontwerp
Daar is 'n behoefte om die kriteria vir die nasien van "die proses en voorbereiding" vir LO 1 van die Praktiese Assesseringstaak (PAT) te spesifiseer. Die aangehegte riglyne verskaf die kriteria vir die nasien van die PAT sowel as die praktiese eksamen vir Ontwerp.
(Sien aangehegte Bylae A: Wysigings tot die Eksamenriglyne vir Ontwerp NSS 2011)

5. Rekenaartoepassingstegnologie
Die Leerprogramriglyne van 2008 verwys na 'nuwe tegnologie' in die Inhoudsraamwerk. Die eksamenriglyn van 2009 verwys in die breë na 'nuwe tegnologie' en stipuleer dat verouderde tegnologie nie meer geëksamineer sal word nie. Dit is egter nie vir onderwysers duidelik watter nuwe tegnologie geëksamineer sal word nie. Daar is 'n behoefte om te spesifiseer wat die nuwe tegnologie is, wat eksamineerbaar is en wat verouderde tegnologie is, wat nie meer geëksamineer sal word nie.
(Sien aangehegte Bylae B: Uitskakeling van bestaande verwarring)

6. Verbruikerstudies
Besonderhede verskyn nou in die huidige Verbruikerstudie-eksamenriglyne sodat die omvang en diepte van die inhoud wat geassesseer moet word duidelik is vir onderwysers en leerders.
(Sien aangehegte Bylae C: Gedetailleerde riglyne vir Verbruikerstudies vervang die vorige een van 2009).

7. Musiek
Die totale punte vir die twee Musiekvraestelle is nou weer ooreenkomstig die bepalings in die Vakassesseringsriglyndokument van 2008, nl. Vraestel 1:125 punte. Vraestel 2:33 punte. Die totaal vir die Voordrag-eksamen is 142.

8. Siviele Tegnologie
Die eksamenriglyne van 2009 het nie die verspreiding van kognitiewe vlakke bepaal nie. Die gewig toegeken aan kognitiewe vlakke vir die Siviele Tegnologie-vraestelle sal as volg wees:

  • Laerordevrae: 30%
  • Midde-ordevrae: 50%
  • Hoë-ordevrae: 20%
9. Indien nodig, kan skole wat bogenoemde vakke aanbied die betrokke WKOD-beamptes versoek om hierdie wysigings aan die betrokke onderwysers te verduidelik.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:06:22

Bylae A:"Design Examination guidelines"  (grootte: 76 KB)
Bylae B: "New and relevant technologies that may not be specifically listed in the content framework of the LPG"  (grootte: 24 KB)
Bylae C1: "Consumer Studies Examination guidelines"  (grootte: 99 KB)
Bylae C2: "Management of the consumer role"  (grootte: 114 KB)