| 1. |
Hierdie minuut moet saamgelees word met Die Nasionale Beleid oor Assessering en Kwalifikasies vir Skole in die Algemene Onderwys-en-opleidingsband (AOO-band) (Staatskoerant No. 29626 van 2007), wat die vereistes vir vordering in graad R - 8, sowel as bevordering in graad 9 uiteensit. |
| 2. |
Die huidige vordering en bevorderingsvereistes, soos gestipuleer in die Staatskoerant No. 29626, sal gebruik word vir graad R - 9 in 2011. |
| 3. |
Skole in die Wes-Kaap sal voortgaan met hulle interne programme van assessering en hulle eie interne eksamens afneem in alle leerareas in graad 9. |
| 4. |
Die interne eksamens vir graad 9 wat in die 4de kwartaal afgeneem sal word, moet 25% van die finale bevorderingspunt vir elke leerarea uitmaak. |
| 5. |
Die res van die formele assesserings in graad 9 sal 75% van die finale bevorderingspunt per leerarea uitmaak. |
| 6. |
Die graad 9-bevorderingskedule is nou beskikbaar op die Sentrale Onderwys-bestuursinligtingstelsel (SOBIS), onder die opskrif Reports. |
| 7. |
Skole moet, soos die gebruik in die verlede was, hulle onderwysdistrikskantore voorsien van 'n elektroniese kopie van die graad 9-promosieskedule teen 7 Desember 2011. Onderwysdistrikskantore moet teen 13 Desember 2011 'n CD wat al die nasienskedules van die skole bevat aan die Direktoraat: Assesseringsbestuur voorlê. |
| 8. |
Bring asseblief die inhoud van hierdie minuut onder die aandag van al die betrokke onderwysers en ouers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:04:15
|
 |