1. Hierdie Assesseringsminuut dien om die Regulasies ingevolge die Afneem, Administrasie en Bestuur van Assessering vir die Nasionale Senior Sertifikaat (NSS) met betrekking tot die periode van geldigheid van Skoolgebaseerde Assesserings (SGAs), Praktiese Assesseringstaak, Praktiese Assessering en Mondelinge punte te verduidelik.
2. Regulasie 7, subregulasie (5) (bladsy 14) in die Regulasie vir die Afneem, Administrasie en Bestuur van Assessering vir die Nasionale Senior Sertifikaat-eksamen, (Staatskoerant No. 31337 van 29 Augustus 2008) noem dat "Die Skoolgebaseerde Assesseringspunt wat deur 'n kandidaat wat herhaal in sy of haar laaste Nasionale Senior Sertifikaat-eksamen behaal is, sal geldig bly vir 'n periode van drie (3) jaar na die voltooiing van die NSS-eksamen wat deur die kandidaat geskryf is".
3. Ingevolge hierdie regulasie, is die SGA-punt van 'n kandidaat wat die NSS-eksamen in 2008 geskryf het, geldig tot 2011.
4. Regulasie 7, subregulasie (5) (bladsy 16) in die Regulasies vir die Afneem, Administrasie en Bestuur van Assessering vir die Nasionale Senior Sertifikaat-eksamen, soos gewysig in Regeringskennisgewing nommer 1327 en 1328 in Staatskoerant Vol. 522, No. 31680 van 12 Desember 2008, en in Regeringskennisgewings No. 1041 en 1042 in Staatskoerant, Vol. 533, No. 32678 van 3 November 2009 noem dat "Die Skoolgebaseerde Assessering, Praktiese Assesseringstaak (PAT), Praktiese Assessering en mondelinge punte wat deur 'n kandidaat behaal is in sy of haar laaste Senior Sertifikaat-eksamen geldig sal wees vir 'n periode van twee (2) jaar na die voltooiing van die eerste Nasionale Senior Sertifikaat-eksamen wat deur die kandidaat afgelê is".
5. Ingevolge hierdie regulasie sal die SGA-, PAT- , praktiese assessering en mondelinge punt van 'n kandidaat wat die NSS-eksamen in 2009 en in daaropvolgende jare geskryf het, geldig bly vir 2 jaar na die datum van die eksamen. Dit impliseer dat, vir 'n kandidaat wat die NSS-eksamen in 2009 geskryf het, die SGA geldig is tot 2011, en vir 'n kandidaat wat die NSS-eksamen in 2010 geskryf het, die SGA geldig is tot 2012. Die SGA-, PAT- , Praktiese Assessering en Mondelinge punte van kandidate wat die NSS November-eksamen in 2011 skryf, sal geldig bly tot November 2013.
6. Prinsipale word vriendelik versoek om die inhoud van hierdie minuut onder die aandag van alle herhalende kandidate te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:04:11

Staatskoerant No. 31337 van 29 Augustus 2008  (grootte: 2 180 KB)
Staatskoerant No. 32678 van 3 November 2009  (size: 596 KB)