| 1. |
Die Kaapse Onderrig-en-leierskapinstituut (KOLI) sal gedurende die skoolkwartale of skoolvakansies in 2012 kursusse, konferensies en seminare vir prinsipale, adjunkprinsipale, departementshoofde en onderwysers soos gelys in Bylae A, B, C, D en E aanbied. |
| 2. |
Distriksbeamptes moet onderwysers nomineer om KOLI-opleidingskursusse by te woon en die distriksdirekteur moet die nominasies onderteken voor dit aan KOLI voorgelê word. Opvoeders wat hierdie kursusse wil bywoon, word sterk aangeraai om via hulle onderwysdistriksbeamptes te registreer. (Sien Bylae F vir kontakbesonderhede van distriksbeamptes.) Onder geen omstandighede moet skole nominasies vir opleidingskursusse direk aan die KOLI stuur nie. |
| 3. |
Registrasie vir konferensies en seminare moet direk by die KOLI gedoen word. |
| 4. |
Aflosonderwysers sal as plaasvervangers deur die Wes-Kaap Onderwysdepartement (WKOD) aangestel word in die plek van onderwysers wat KOLI-kursusse tydens skoolkwartale bywoon, op voorwaarde dat
- daar geen botallige onderwyser by daardie skool is nie;
- die aflosonderwyser nie 'n onderwyser is wat deur die beheerliggaam besoldig word nie; en
- die aflosonderwyser nie reeds vir 'n ander onderwyser instaan nie.
|
| 5. |
Dit is die verantwoordelikheid van die skool om 'n geskikte plaasvervanger vir 'n onderwyser wat 'n kursus bywoon te vind en te nomineer. |
| 6. |
Kursusse word 'n paar keer gedurende die jaar herhaal om onderwysers in staat te stel om te kies op watter tye hulle 'n volledige kursus kan bywoon. |
| 7. |
Slegs 50 onderwysers kan vir elke kursus inskryf. Hierdie onderwysers sal getrek word vanuit al agt onderwysdistrikte. Dit beteken dat slegs 'n beperkte getal onderwysers op enige gegewe tyd 'n kursus kan bywoon.
|
| 8. |
Nominasies van distrikskantore vir kursusse wat in die eerste kwartaal van 2012 aangebied moet word, moet KOLI teen 25 November 2011 bereik. Keerdatums vir die voorlegging van nominasies vir kursusse in die drie oorblywende kwartale van 2012 sal deur die KOLI uitgereik word gedurende die eerste kwartaal van 2012. |
| 9. |
Vir meer inligting, skakel gerus met enige van die volgende beamptes van KOLI:
|
| 10. |
Bring asseblief die inhoud van hierdie minuut onder die aandag van al u onderwysers. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2011:11:02
|
 |