INGCACISO EMFUTSHANE YECANDELO ELIXHASA UKWENZIWA KWEMISEBENZI: 0008/2010 |
IYA: | KUBALAWULI, KUBAPHATHI BEEKOMITI ZEESEKETHE, KUBAPHATHI BEZE-IMG, KUMASEKELA BALAWULI KWII-OFISI ZEZITHILI ZEMFUNDO, KWIINQUNUNU NAKOOSIHLALO BAMABHUNGA OLAWULO EZIKOLO ZIKARHULUMENTE EZIQHELEKILEYO |
| UKUKHUNJUZWA KWEZIKOLO EZINGEKHO PHANTSI KWESIQENDU 21 UKUBA ZINGENISE IIRIKHWIZISHINI ZEENCWADI NEZINTO ZOKUNCEDISA UKUFUNDA NOKUFUNDISA (LTSM) NEZEZINTO EZITHENGWA KULOO NDAWO INESIKOLO |
| 1. |
Umhlathi 3.5.2 wesiHlomelo A seSetyhula 0032/2008 ye-Norms and Standards (N&S) yomhla we-17 Septemba 2009, uyalela izikolo ezingekho phantsi kweSiqendu 21 ukuba zingenise ezona rikhwizishini zazo ziphambili ze-LTSM (WCED 034) kunye nezezinto ezithengwa kuloo ndawo inesikolo (WCED 026) ungekadluli uLwesihlanu we-23 Apreli 2010. |
| 2. |
Ziyacetyiswa izikolo ukuba zifake ii-odolo ze-LTSM ubuncinane eziyi-70% yebhajethi yesabelo-mali sazo se-LTSM kwii-odolo zazo eziphambili. Izikolo maziqinisekise ukuba umfundi ngamnye unencwadi yezifundo (textbook) kwisifundo ngasinye okanye kwinkalo yesifundo nganye. |
| 3. |
Ukongeza kwiincwadi zezifundo, le-LTSM ilandelayo mayifakwe nayo kwakule fom yerikhwizishini WCED 034: iincwadi zelayibrari, iiphowusta, iimephu, iitshathi zodonga, iincwadi zokufundwa ngabafundi eklasini (class readers), iincwadi zokukhangela ingcaciso (reference books), iincwadi ezimiselwe ukufundwa (prescribed works), izichazi-magama (dictionaries) izibonelelo zelayibrari (library resources), ii-pre-recorded audio nee-vidiyo khasethi, ii-DC ne-educational software. |
| 4. |
Ngokweerekhodi zethu, kusekho izikolo ezimbalwa ezingekazingenisi nangoku ezona rikhwizishini zazo ziphambili zokuthenga i-LTSM nezinto ezithengwa kuloo ndawo inesikolo. Ziza kongezelelwa ke ngoko elinye ixesha lokungenisa iirikhwizishini zazo eziphambili zokuthenga i-LTSM nezinto ezithengwa kuloo ndawo inesikolo de kube nguLwesihlanu we-28 Meyi 2010. |
| 5. |
Ziyacetyiswa izikolo ukuba zincede nakanjani na zilandele ngqo lo mhla ubekiweyo njengoko ukwenziwa mfutshane kwekota yesibini, ubude beeholide zobusika ngokungaqhelekanga kunye namaxabiso abapapashi-zincwadi onyaka aza kunyuka ukuqalela kowe-1 Julayi 2010, konke oku kuya kubanenxaxheba enkulu kwii-odolo zamva. |
| 6. |
ISebe iWCED libulela ezo nqununu namabhunga olawulo ezikolo asele ezingenisile iifom zawo u-WCED 034 no-026, kwakunye nokuchaneka kwendlela asabe kakuhle ngayo isabelo-mali sawo ngokwemiMiselo neMigangatho. |
ISAYINWE: NGU-MM HARKER
INTLOKO: YESEBE LEMFUNDO
UMHLA: 2010-05-18
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
